تورکیه مطبوعاتیدن خلاصه لر 12.08.2024

وطن روزنامه سی, تورکیه جمهوریتی ملی استخبارات اداره سی واسطه چیلیگیده بولیب اوتگن اسیر المه شووی نینگ جزئیاتی نینگ تاپیلگن لیگینی معلوم قیلماقده. 

خبرده, امریکا قوشمه ایالتلری و همده روسیه نینگ اوشبو المه شوو نینگ تورکیه ده بولیشی نی طلب قیلگن لیگی بیلدیریلماقده. 

روزنامه, اوشبو ترجیح بوییچه ایکله اولکه نینگ هم تورکیه گه بولگن ایشانچی نینگ مهم ایکن لیگینی یازماقده. 

خبرده, تورکیه نینگ, امریکا قوشمه ایالتلری و روسیه گه, "سیز بیانات بیرگونگه قدر بیز بیانات بیرمه یمیز" دیگن لیگی ایسله تیلماقده. 

روزنامه, امریکا قوشمه قوشمه ایالتلری دولت رهبری جو بایدن نینگ اوشبو المه شوو عملیاتی نی جانلی روشده کوزه تگن لیگینی بیلدیرماقده. 

ینی شفق روزنامه سی, تورکیه قوراللی کوچلری نینگ, پنجه- قفل عملیاتی بیلن تروریزم دن تصفیه قیلگن عراق نینگ شمالیده گی ینگی ساحه لرده خوفسیز منطقه لر تشکیل ایتیش اوچون بیش ینگی مرکز قوره دیگن لیگی گه دقت قره تماقده. 

خبرده, تورکیه قوراللی کوچلری نینگ, اوشبو مرکز لرنینگ قوریله دیگن ساحه لرده تیکشیریش پروسه سی نی تکمیل قیلگن لیگی ایسله تیلماقده. 

ستار روزنامه سی, فلسطین دولت رهبری محمود عباس نینگ تورکیه جمهوریتی پارلمانیده معروضه قیله دیگن 15- آگست کونی بولیب اوته دیگن ییغیلیش اوچون پارلمانده گی امنیتی تدبیرلرنینگ آرتیریله دیگن لیگینی یازماقده. 

خبرده, تورکیه جمهوریتی جمهوررئیسی رجب طیب اردوغان نینگ معروضه گه قولاق ساله دیگن اوشبو ییغیلیش گه اسرائیل نینگ غزه ده گی هجوملریده یره له نیب تورکیه ده تداوی ایتیلگن کیشی لرنینگ هم چقیریله دیگن لیگی معلوم قیلینماقده. 

صباح روزنامه سی, تورکیه جمهوریتی نینگ جاری ییل نینگ دستلبکی 6 آییده 588,7 میلیون دالرلیک بوت صادر قیلگن لیگینی بیلدیرماقده. 

خبرده, دنیا نینگ 6- اینگ کتته تولید ایتووچیسی بولگن تورکیه بوت سکتوری نینگ, میلادی 2030- ییلده 6,8 میلیارد دالرلیک صادرات قیلیش نی هدف قیلیب آلگن لیگی بیلدیریلماقده. 

خبرتورک روزنامه سی, فرانسه نینگ اینگ مهم و ایکّی میشلن یولدوزلی آشپزی ژولین لوفور نینگ, تورک لرنینگ جوده بای طعام تور لری گه ایگه ایکن لیگینی بیلدیرگن لیگینی یازماقده.