تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته سی: " ایردوغان: اسرائیل آتشکیس گه مایل ایمس " سرلوحه سی بیلن خبر بیردی.
گزیته جمهور باشلیغی رجب طیب ایردوغان، قطر امیری شیخ تمیم بن حمد آل ثانی بیلن جمهور رئیسلیک سراییده اوچرهشدی. ایردوغان اوچرهشووده، اسرائیل نینگ حماس نینگ سیاسي دفتری رهبری اسماعیل هنيه سوئ قصدی بیلن ینه بیر بار آتشکیس گه مایل ایمسلیگینی کورسهتگنینی، تورکيه نینگ منطقهگه دایمي تینچلیک و برقرارلیک آلیب کیلووچی ییچیم اوچون ایشلشده دوام ایتهیاتگنینی، قطر بیلن بیرگهلیکده نتیجهگه یونهلتیریلگن سعی-حرکتلرنی کوچهیتیریش نیتیده ایکنلیگینی بیلدیرگن لیگینی یازماقده.
یینی شفق گزیته سی: " تورکيه بیلن آلبانیا مدافعه صنایعیده همکارلیکنی کوچهیتیرهدی " سرلوحه سی بیلن خبر بیره دی.
گزیته جمهور رئیس ایردوغان و آلبانیا باش وزیری ایدی رمه تیلفون آرقهلی ملاقات قیلدی. سوزلشووده تورکيه بیلن آلبانیا اورتهسیدهگی ایکّی تامانلمه مناسبتلر، منطقوي و گلوبال مسألهلر محاکمه قیلیندی. ایردوغان اوچرهشووده ایکّی دولت اورتهسیدهگی علاقهلر یوقاری درجهده ایکنلیگینی، تجارت، اقتصادي، حربي علاقهلر و مدافعه صنایعیدهگی همکارلیکنی مستحکملش اوچون ینگی قدملر قوییلیشینی تأکیدلهدی. " دیب یازماقده.
صباح گزیته سی: " مرکز بانک ذخیرهلری آرتیشده دوام ایتماقده " سرلوحه سی بیلن خبر بیردی.
گزیته تورکيه جمهوریتی مرکز بانکی نینگ عمومي ذخیرهلری، 2-اگست هفتهسیده اوّلگی هفتهگه نسبتاً 2 میلیارد 375 میلیون دالر آشیب، 150 میلیارد 386 میلیون دالرگه چیقدی. دیب یازماقده.
ستار گزیته سی: " فولاد قبّه یونان مطبوعاتیده " سرلوحه سی بیلن خبر بیردی.
گزیته تورکيه نینگ کوپ قتلملی و صنعي ذکالی فولاد قبّه لایحهسی یونان مطبوعاتیده کینگ ترقهلدی. تورکيه مدافعه صنایعیدهگی ترقیات نینگ دوام ایتهیاتگنینی تأکیدلهگن یونان مطبوعاتی، "تورک آسمانیده حتا قوش هم اوچمهیدی" دیگن سرلوحهنی تنلهدی. " دیب یازماقده.
خبرتورک گزیته سی: " ایفیس انتیک شهری، دستلبکی 7 آیده اینگ کوپ سیاح کیلگن موزیم " سرلوحه سی بیلن خبر بیردی.
گزیته ایزمیر نینگ سلجوق تومنیده هر ییلی کوپلب سیاحلرنی اوزیگه جلب قیلهدیگن ایفیس انتیک شهریگه جنوری-جولای آیلریده 1 میلیون 444 مینگ 405 سیاح کیلدی. شوندهی قیلیب، ایفیس انتیک شهری تورکيهده دستلبکی 7 آی ایچیده اینگ کوپ سیاح کیلگن موزیم بولدی.،دیب یازماقده.
