تورکیه مطبوعاتیدن خلاصه لر 25.09.2023

حریت روزنامه سی, والیبال ملتلر لیگی و اروپا والیبال قهرمانلیک مسابقه لریده غلبه قازانگن تورکیه جمهوریتی ای ملی عیال والیبال تیمی نینگ, المپباد سره لش بی گروپی ده گی سونگّی مسابقه ده بلجیم نی 3 گه صفر مغلوب قیلگن لیگینی یازماقده. 

خبرده, جاپان نی مغلوبیت گه اوچره تیب المپیاد گه اشتراک قیلیش حقی نی کسب ایتگن تورک عیال ملی والیبال تیمی نینگ, بلجیم نی مغلوب قیلیب گروپی نی یوقاری گه چیقارگن لیگی و غالب لیک سانی 22 مسابقه گه کوترگن لیگی ایسله تیلماقده. 

ستار روزنامه سی, تورکیه جمهوریتی قوراللی کوچلری نینگ, عراق نینگ شمالیده گی پنجه – قفل عملیاتی دایره سیده حاضرگی کون گه قدر 605 نفر ترورچی نی یوق قیلگن لیگینی بیلدیرماقده. 

خبرده, تورک کماندو لرنینگ, عملیات منطقه سیده ترورچی لر تامانیدن استفاده ایتیلیاتگن 670 مغاره و مرکز نی هم فایده له نیله آلمه یدیگن وضعیت گه کیلتیرگن لیگی معلوم قیلینماقده. 

ینی شفق روزنامه سی, تورکیه نینگ دینگیزلرده گی حق و منفعت لری دن موثر بیر شکلده دفاع قیلیش مقصدی بیلن آلیب باریلیاتگن آچیق دینگیز قراول کیمه سی پروژه سی دایره سیده قوریلیشی هدف قیلیب آلینگن 10 کیمه دن دستلبکی ایکّی کیمه سی نینگ قوریلیش ایشلری نینگ استانبولده باشله گن لیگینی یازماقده. 

خبرده, خوددی شوو ایکّی کیمه نینگ بو درجه تیزلیکده دینگیز گه توشیریلگن لیگی نینگ تورک مدافعه صنایع سی نینگ موفقیتی نی کورسه تیاتگن لیگی ایسله تیلماقده. 

صباح روزنامه سی, تورکیه نینگ کوجه ایلی ولایتیده 15,4 کیلومتر اوزنلیکده ایکّی خط شکلده قوریلگن گبزه صنایع ساحه سی- داریجه قیرغاق مترو خطی گه خاص دیزاین ایتیلگن وطنی هیداوچیسیز ایلک مترو واسطه سی دن فایده له نیله باشلنگن لیگینی بیلدیرماقده. 

خبرتورک روزنامه سی, تورکیه جمهوریتی مدنیت و توریزم وزیرلیگی نینگ, میلادی 2023- ییل نینگ دستلبکی 8 آییده استانبول گه کیلگن چیت ایللیک توریست سانی نینگ ییللیک 13,20 فایز گه آشیب 11 میلیون 524 مینگ 246 نفر گه ییتگن لیگینی بیلدیرگن لیگینی معلوم قیلماقده.