تورکیه مطبوعاتیدن خلاصه لر 20.09.2023

وطن روزنامه سی, تورکیه جمهوریتی جمهوررئیسی رجب طیب اردوغان نینگ, توناون نیویورک شهریده گی بیرلشگن ملتلر تشکیلاتی عمومی کینگشی سالونیده, 78- عمومی کینگش ییغیلیش لری اشتراکچی لری گه قره ته قیلگن معروضه سیده, "دنیا بیش دن کتته" دیب بیرلشگن ملتلر تشکیلاتیده گی ریفورم چقیریغی نی تکرارله گن لیگینی بیلدیرماقده. 

خبرده, اردوغان نینگ, "ایندی خوفسیزلیک کینگشی دنیا خوفسیزلیگی نی تامین ایتیش دن چیقیب کیتیب, 5 اولکه نینگ ستراتژیک جنجال لریگه ایله نیب قالگن وضعیتده" دییه قید ایتگن لیگی ایسله تیلماقده. 

ستار روزنامه سی, تورکیه جمهوریتی نینگ قرداش اولکه آذربایجان نینگ قره باغ ده تروریزم گه قرشی باشلتگن عملیاتی بیلن علاقه لی بیانات بیرگن لیگینی یازماقده. 

خبرده, تورکیه جمهوریتی تشقی ایشلر وزیرلیگی تامانیدن بیریلگن بیاناتده, "آذربایجان, اوز حدود لریده کیره کلی تدبیر لر نی آلیش گه مجبور بولیب قالدی" دییه قید ایتیلگن لیگی معلوم قیلینماقده. 

صباح روزنامه سی, تورکیه جمهوریتی جمهوررئیسلیک علاقه باشقرمه سی تامانیدن جمهوریت نینگ 100- ییلی مراسم لری دایره سیده, "تورکیه عصری" نینگ امریکا قوشمه ایالتلری نینگ نیویورک شهریده تانیتیلگن لیگی گه دقت قره تماقده. 

حریت روزنامه سی, اقتصادی همکارلیک و رواجله نیش تشکیلاتی (OECD) نینگ, تورکیه نینگ اقتصادی کوچی نینگ 3,6 ایمس بلکه 4,3 فایز مقیاسیده آرتیب کیته دیگن لیگی نی تخمین قیلگن لیگینی یازماقده.