تورکیه نینگ مطبوعات خلاصه لری

حریت گزیته سی: " کارنگی اروپا، جمهور باشلیغی ایردوغان نینگ جسور آدیمینی یازدی" سرلوحه سی بیلن خبر بیره دی.

خبرگه کوره بلجیم ده گی کارنگی اروپا موسسه سی سونگگی پیتلرده دنیا سیاستیده رول اوینه گن تورکیه اوستیده تحقیق آلیب باریب قیزیق یازوو نشر قیلدی. جمهور باشلیغی رجب طیب ایردوغان آتگن آدیملرنی جسورانه دیب اته گن کارنگی اروپا تورک تشقی سیاستی اوچون ایسه تورکیه ساغلم و یوتوقلی بیر تشقی سیاست آلیب باریشده گی کوچلی آرزوسینی اعلان قیلدی" دیب یازدی.

ستار گزیته سی: " چیقیندیسیز حرکتی دنیا مقیاسیده ترقلماقده: ایلک امضا ایردوغان تامانیدن " سرلوحه سی بیلن خبر بیره دی.

خبرگه کوره  دنیا مقیاسیده مثال بولگن چیقیندیسیز حرکتی گلوباللشیش یولیده ایلک آدیم آتیلدی. جمهور باشلیغی رجب طیب ایردوغان نیویورکده اویوشتیریلگن بیرلشگن ملتلر تشکیلاتی 78 – عمومی کینگشی دایره سیده تورموش اورتاغی امینه ایردوغان نینگ باشچیلیگیده گی گلوبال چیقیندیسیز یخشی نیت بیان نامه سیگه قول قویدی.

خبرتورک گزیته سی: تورکیه گه 2 میلیارد دالرلیک سرمایه کیریتیش ریجه سی" سرلوحه سی بیلن خبر بیره دی.

خبرگه کوره علی بابا گروپ باشلیغی مایکل ایوانس تورکیه گه کیلگوسی باسقیچده 2 میلیارد دالرلیک سرمایه کیریتیش ریجه له گن لیکلرینی ایتدی.    

صباح گزیته سی: "شرقی قاره دینگیزنینگ بال صادراتی 2،1 میلیون دالرگه ییتدی" سرلوحه سی بیلن خبر بیره دی.

خبرگه کوره شرقی قاره دینگیزدن جنوری – اگست باسقیچیده بولگن بال صادراتی 90 فایز کوپه ییب 2 میلیون 101 مینگ دالرگه ییتدی.  

وطن گزیته سی: "گوردیون قدیم شهری رویخط گه آلیندی" سرلوحه سی بیلن خبر بیره دی.

خبرگه کوره مدنیت و توریزم وزیری محمد نوری ایرسوی اجتماعی ترماق آرقه لی "بیر مژده میز بار! یونسکو دنیا میراثی رویخطی گه 20 – اثریمیزنی هم کیریتدیک. انقره ئمیزنینگ تینگسیز مدنی بایلیگیدن بیرته سی بولمیش گوردیون قدیم شهر "دنیا میراثی" بولدی."