تورکیه مطبوعاتیدن خلاصه لر 05.06.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ استانبولده ناتو عمومی منشی سی ینس استولتنبرگ بیلن اوچره شگن لیگینی بیلدیرماقده. 

خبرده, استولتنبرگ نینگ اوشبو اوچره شوو بیلن علاقه بیرگن بیاناتیده, "تورکیه نینگ خوفسیزلیک بوییچه مشروع قیغولری توغریسیده سوزله شدیک.  سویدن تورکیه نینگ خواطر لری نی بر طرف ایتیش اوچون قدم تشله دی" دییه قید ایتگن لیگی ایسله تیلماقده. 

روزنامه, استولتنبرگ نینگ, 12- جون کونی سویدن, تورکیه و ناتو نینگ اشتراکی بیلن بیر ییغیلیش بولیب اوته دیگن لیگی نی معلوم قیلگن لیگینی یازماقده. 

صباح روزنامه سی, تورکیه جمهوریتی نینگ ینگی تشقی ایش لر وزیری ایتیب تعینلنگن هاکان فیدان گه دنیا نینگ فرقلی جای لری دن تبریک پیام لری کیله باشله گن لیگینی معلوم قیلماقده. 

خبرده, ایران, آذربایجان, فرانسه, اوکراین, استونیا, سویدن و کیوبا تشقی ایش لر وزیر لری حسین عبداللهیان, جیجون بیرموف, کاترین کولونا, دیمیتری کولبا, مارگوس ساکنا, توبیاس بیلستروم و برونو رودریگوز نینگ اجتماعی ترماق آرقه لی بیرگن بیاناتیده فیدان گه تبریک بیلدیریب ایش لریده یوتوقلر تیلب قالگن لیگی معلوم قیلینماقده. 

ستار روزنامه سی, یونان مطبوعاتی نینگ هاکان فیدان نینگ تورکیه جمهوریتی تشقی ایش لر وزیری ایتیب تعینلنگن لیگی بوییچه خبر لر گه کینگ اورین اجره تگن لیگینی یازماقده. 

خبرده, فیدان نینگ جوده ذکی بیر دیپلمات ایکن لیگی نی بیلدیرگن یونان مطبوعاتی نینگ, "فیدان, اورته شرق, شمالی افریقا و قفقاز کبی دیپلماسی نینگ اینگ قیین بولگن ساحه لرده مذاکره چی ایدی.  اینگ سونگ مصرده هم جوده قیین بیر ایش بجردی و نتیجه ده ایشیک نی آچیش گه موفق بولدی" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی نینگ ینگی خزانه و مالیه وزیری محمد شمشک نینگ, وظیفه نی سابق وزیر نورالدین نباتی دن بولیب اوتگن بیر مراسم آرقه لی تسلیم آلگن لیگی گه دقت قره تماقده. 

خبرده, محمد شمشک نینگ, "حکومتی میز نینگ اساسی هدفی, اجتماعی رفاه نی آرتیریش دن عبارت.  اوشبو هدف گه نایل بولیش اوچون تینیق, صادق, کیله جک نی کوره آله دیگن و خلق ارا نورم لر گه اویغون بیر شکلده ایش آلیب باره میز" دییه قید ایتگن لیگی ایسله تیلماقده. 

ینی شفق روزنامه سی, کوسوا نینگ شمالیده گی آلبانیالیک لر بیلن صرب لر اورته سیده کیلیشمووچیلیک لر دوام ایترایکن, تورکیه قوراللی کوچلری نینگ, ناتو کوسوا کوچی دایره سیده اوشبو اولکه گه بیر کماندو کندکی یوبارگن لیگی نی بیلدیرماقده. 

خبرده, کوسوالیک تحلیلچی داکتر محمد کالیسی نینگ, ایکله تامان نینگ هم تورکیه گه ایشانگن لیگی سببلی, تورک کماندو قطعه سی نی صربستان جمهوررئیسی الکساندر ووچیچ نینگ جمهوررئیس اردوغان دن ایسته گن بولیشی نینگ ممکن ایکن لیگینی معلوم قیلگن لیگی ایسله تیلماقده.