تورکیه مطبوعاتیدن خلاصه لر 24.05.2023

ینی شفق روزنامه سی, تورکیه جمهوریتی ملی مدافعه وزیری خلوصی آقر نینگ, آلدینگی کیچه سوریه نینگ شمالیده 19 نفر ترورچی نینگ یوق قیلینگن لیگینی بیلدیرگن لیگینی معلوم قیلماقده. 

خبرده, آقر نینگ, "تروریزم گه قرشی کوره ش کونساین آرتیب باریاتگن شکلده دوام ایتماقده.  تروریزم نی مرکزی ده یوق قیلیش ستراتیژی سی نی تطبیق ایتماقده میز" دییه قید ایتگن لیگی ایسله تیلماقده. 

صباح روزنامه سی, تورک مدافعه صنایع شرکت لری نینگ, ینگی همکارلیک و صادرات فرصت لری گه ایگه بولیش اوچون مالزیا ده گی لانگکاوی خلق ارا دینگیزچیلیک و هواچیلیک کورگزمه سی گه اشتراک قیلگن لیگینی یازماقده.

خبرده, تورکیه نینگ اوشبو کورگزمه گه 18 تورک مدافعه صنایع شرکتی بیلن اشتراک قیلیاتگن لیگی معلوم قیلینماقده. 

حریت روزنامه سی, توناون تورکیه نینگ بارتین ولایتیده گی آماسرا بندری گه جوده هم کتته بیر کیمه بیلن 614 نفر روس سیاح نینگ کیلگن لیگینی بیلدیرماقده.

خبرده, شونده ی قیلیب 10 آیلیک بیر مدت مابینیده کتته کیمه بیلن آماسرا گه کیلگن روس سیاح سانی نینگ 17 مینگ 305 نفر گه ییتگن لیگی گه دقت قره تیلماقده. 

خبرتورک روزنامه سی, تورکیه نینگ اینگ اوزاق منزللی راکتی دن عبارت تایفون نینگ ینگی تستی نینگ تورکیه نینگ ریزه ولایتیده بولیب اوتگن لیگینی یازماقده. 

خبرده, اوشبو تست نینگ موفقیتلی بیر شکلده بولیب اوتگن لیگی ایسله تیلماقده. 

وطن روزنامه سی, جاری ییل جنوری- اپریل آی لری اورته سیده تورکیه نینگ چای صادراتی نینگ 39 فایز گه آشیب 11 میلیون 365 مینگ 591 دالر گه کوتریلیب کیتگن لیگینی بیلدیرماقده. 

خبرده, بلجیم, امریکا قوشمه ایالتلری و بریتانیا نینگ اینگ کوپ صادرات قیلینگن اوچ نقطه دن عبارت بولگن لیگی ایسله تیلماقده.