تورکیه مطبوعاتیدن خلاصه لر 23.05.2023

وطن روزنامه سی, امریکا قوشمه ایالتلریده تورکیه نینگ بیرلشگن ملتلر تشکیلاتی دایمی نماینده لیگی بیلن نیویورک باش قونسلگرلیگی گه میزبانلیک قیلیاتگن تورک اویی گه هجوم اویوشتیریلگن لیگینی معلوم قیلماقده. 

خبرده, تورکیه ده گی جمهوررئیس سیلاوی اوچون رای بیریلگن تورک اویی گه کیم ایکن لیگی انیقلنمه گن بیر کیشی نینگ, قولیگه اوزون بیر تیمیر نی آلیب حمله قیلگن لیگی و بنا نینگ شیشه لرینی سیندیرگن لیگی ایسله تیلماقده. 

روزنامه, اوشبو حادثه بیلن علاقه لی تیرگاو باشله تیلگن لیگینی بیلدیرماقده. 

ستار روزنامه سی, تورکیه جمهوریتی جمهوررئیسی رجب طیب اردوغان نینگ, ترور تشکیلاتی پ.ک.ک طرفدارلری نینگ, تورکیه ده گی سیلاو لر اوچون اوروپا ده رای بیرگن کیشی لر گه حمله قیلگن لیگی, ایندی ایسه امریکا قوشمه ایالتلریده تورک اویی نینگ شیشه لرینی سیندیرگن لیگینی بیلدیرگن لیگی نی یازماقده. 

خبرده, امریکالیک مسئول لر گه قره ته بیرگن بیاناتیده, اردوغان نینگ, "تورک اویی نینگ شیشه لرینی سیندیرگن ترورچی نی تاپیشینگیز کیره ک" دییه قید ایتگن لیگی بیلدیریلماقده. 

صباح روزنامه سی, عدالت و توسعه حزبی رهبری وکیلی نعمان قوتیلموش نینگ, حاضرگی کون گه قدر ایچکی اوروش لر سببلی تورکیه گه قاچیب کیلگن 550 مینگ نفر سوریه لیک نینگ اولکه لریده تشکیل ایتیلگن امنیت منطقه لر گه قیتریب یوباریلگن لیگینی بیلدیرگن لیگی گه دقت قره تماقده. 

خبرده, سوریه لیک لرنینگ کونگللی بیر شکلده اوز یورت لری گه قیتیب کیتیش لری اوچون فعالیت لرنینگ دوام ایتیاتگن لیگینی بیلدیرگن قورتیلموش نینگ, "یقینده 1 میلیون نفر سوریه لیک نینگ قیتیب کیتیش لری اوچون شرایط تامین ایتیب بیره میز" دییه قید ایتگن لیگی بیلدیریلماقده. 

خبرتورک روزنامه سی, تورکیه اقتصادی گه ایشانچ نینگ کونساین آرتیب باریاتگن لیگینی یازماقده. 

خبرده, اوتگن آی بیلن سالیشتیریلگنده استعمالچیلر ایشانچی ایندکسی نینگ 4 فایز مقیاسیده آرتیب 91,1 فایز گه کوتریلیب کیتگن لیگی ایسله تیلماقده. 

روزنامه, شونده ی قیلیب 2022- ییل نینگ سونگّی گه کوره استعمالچیلر ایشانچی ایندکسی نینگ 20 فایز دن آرتیق آرتیب کیتیب میلادی 2018- ییل جولای آیی دن کیینگی اینگ یوقاری سویه گه کوتریلیب کیتگن لیگینی بیلدیرماقده.