تورکیه نینگ مطبوعات خلاصه لری

حریت گزیته سی: محرم اینه کاندیدلیکدن وازکیچدی" سرلوحه سی بیلن خبر بیره دی.

خبرگه کوره مملکت حزبی نینگ رهبری محرم اینجه, جمهوررئیسلیک کاندیدلیگی دن واز کیچگن لیگینی معلوم قیلدی. 

خبرتورک گزیته سی: " غله و حبوبات تشبثی تورکیه نینگ میزبانلیگیده بوله دی" سرلوحه سی بیلن خبر بیره دی.

خبرگه کوره ملی مدافعه وزیرلیگی تامانیدن بیریلگن بیاناتده حبوبات و غله تشبثینی آلیب باریلیشی بیلن تیگیشلی اورونیشلرنینگ تورکیه میزبانلیگیده و تورت تامانلیک تخنیکی سویه ده دوام ایتیشی خصوصیده تامانلرنینگ کیلیشیب آلگن لیگی بیلدیریلدی.

یینی شفق گزیته سی: " امریکا قوشمه ایالتلری نینگ سابق سوریه وکیلی جفریدن میت گه مقتاو" سرلوحه سی بیلن خبر بیره دی.

خبرگه کوره امریکا قوشمه ایالتلری نینگ سابق سوریه وکیلی یمس جفری داعش ییتکچیسی ابو حسن الهاشمی القریشی نینگ میت نینگ حربی عملیاتی آرقه لی اولدیریلیشی بیلن تیگیشلی تورک استخباراتی نینگ کتته یوتوق قولگه کیریتگن لیگینی ایتدی. 

صباح گزیته سی: " تورکیه کینگه ییب بارگن BRICS نینگ پارچه سی بوله دیگن بیر اولکه  " سرلوحه سی بیلن خبر بیره دی.

خبرگه کوره گلوبال بازارلرده BRICS (برازیل، روسیه، هندوستان، چین، جنوبی افریقا) مخففی نینگ ایجادکاری ایتیب اتلگن انگلیس اقتصاددان جیم اونیئیل تورکیه نینگ کینگه ییب بارگن BRICS نینگ پارچه سی بوله دیگن بیر اقتصادگه ایگه ایکن لیگینی بیلدیردی.

ستار گزیته سی: "روسیه دن تورکیه گه طلب قیلیندی " سرلوحه سی بیلن خبر بیره دی.

خبرگه کوره روسیه نینگ مهم الکترونیک تجارت پلاتفورمی اوزون گلوبال نینگ مدیری ستفان گوساموف "تورک مارکلری و تولید ایتووچیلری روسیه ده کونسایین مشهور بولیب بارماقده. اوزونده گی سفاریشلر کوپه یماقده. 2022 ییلیده روس مشتریلرنینگ 2021 ییلی گه کوره تورک محصوللری سفاریشلری 14 قوات کوپه یدی" دیدی.