تورکیه مطبوعاتیدن خلاصه لر 22.03.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, پایتخت انقره ده, عراق باش وزیری محمد شیاع السودانی بیلن اورتاق مطبوعاتی کنفرانس ترتیب له گن لیگینی بیلدیرماقده. 

خبرده, بصره دن تورکیه گه قدر رواجله نیش یولی پروژه سی نینگ تطبیق ایتیله دیگن لیگینی بیلدیرگن اردوغان نینگ, "رواجله نیش یولی پروژه سی نی منطقه میزنینگ ایپک یولی گه ایلنتیره دیگن لیگی میز گه ایشانه من" دییه قید ایتگن لیگی ایسله تیلماقده. 

خبرتورک روزنامه سی, جمهوررئیس اردوغان نینگ, تلفن آرقه لی, اسرائیل جمهوررئیسی اسحق هرزوگ بیلن سوزلشگن لیگی نی معلوم قیلماقده. 

خبرده, غربی نوارده آرتیب باریاتگن هجوم لر و زورانلیک لر بوییچه چقور قیغو بیلدیرگن اردوغان نینگ, مسجد الاقصی نینگ تاریخی موقفی و معنویاتی گه قرشی تحریک و تهدید لر گه اجازت بیریلمس لیگی نینگ مهم ایکن لیگی نی بیلدیرگن لیگی ایسله تیلماقده. 

حریت روزنامه سی, جمهوررئیس اردوغان نینگ 14- می کونی بولیب اوته دیگن سیلاو لر اوچون جمهوررئیسلیککه کاندید بولیشی اوچون مراجعه قیلینگن لیگینی یازماقده. 

خبرده, جمهور اتفاقی نینگ عدالت و رواجله نیش و ملیتچی حرکت حزب لری نماینده لری نینگ, اردوغان نینگ جمهوررئیسلیککه کاندید بولیشی اوچون تورکیه عالی سیلاو کینگشی گه بیرگه لیکده مراجعه قیلگن لیگی معلوم قیلینماقده. 

ینی شفق روزنامه سی, 11 آی نینگ سلطانی بولگن مبارک رمضان آیی نینگ ایرته گه باشله یدیگن لیگینی بیلدیرماقده. 

خبرده, تورکیه ده مسجد لرنینگ مبارک رمضان آیی اوچون تیار وضعیت گه کیتیریلگن لیگی گه دقت قره تیلماقده. 

روزنامه, تورکیه نینگ استانبول شهری نینگ معنوی مرکز لری دن عبارت ایاصوفیه و ایوب سلطان جامع مسجد لری نینگ گل سووی بیلن یوویلیب, مبارک رمضان آیی اوچون تیار وضعیت گه کیتیریلگن لیگی نی یازماقده. 

خبرتورک روزنامه سی, تورکیه جمهوریتی مدنیت و توریزم وزیری محمد نوری ارسوی نینگ, 200 اولکه ده تورکیه نی تانیتگن لیک لری و تورکیه گه دنیا نینگ هر تامانیدن توریست کیلگن لیگینی بیلدیرگن لیگینی ایسلتماقده. 

خبرده, ارسوی نینگ, "60 میلیون توریست نینگ کیلیشینی کوتماقده میز. میلادی 2028- ییلده 100 میلیارد دالر عاید قولگه کیریتیش نی هدف قیلیب آلماقده میز" دییه قید ایتگن لیگی بیلدیریلماقده.