تورکیه مطبوعاتیدن خلاصه لر 08.02.2023
تورکیه مطبوعاتیده باسیلیب چیققن خبرلرنینگ خلاصه لری
خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, 6- فبروریده تورکیه نینگ قهرمان ماراش ولایتیده یوز بیرگن زلزله لر سببلی 10 ولایت نینگ آفت منطقه سی اعلان ایتیلگن لیگی نی بیلدیررایکن, خوددی ولایت لرده 3 آیلیک بیر مدت بیلن فوق العاده حالت اعلان قیلینگن لیگی نی بیلدیرگن لیگینی معلوم قیلماقده.
حریت روزنامه سی, جمهوررئیس اردوغان نینگ, زلزله سببلی قونغیراق قیلگن دنیا رهبر لری گه منتدارچیلیک بیلدیرگن لیگینی یازماقده.
خبرده, اردوغان نینگ, "بونده ی قیین کونلرده یاردم ایته دیگن لیکلرینی بیلدیریش اوچون قونغیراق قیلگن, پیام یوبارگن و بیانات بیرگن برچه دوستلریمیز و رهبر لر گه منتدارچیلیک بیلدیره میز. خلق ارا جامعه نینگ همکارلیگی کیله دیگن یاردم لرنینگ ماهیتی دن کوپراق مورال جهتی دن بیز اوچون کتته اهمیت گه ایگه" دییه قید ایتگن لیگی ایسله تیلماقده.
وطن روزنامه سی, تورکیه ده زلزله آرتیدن قوله گن بنا لرنینگ تگیدن انسان لرنینگ چیقاریلیشی بوییچه قیدیرو- قوتقرو فعالیتلری دوام ایترایکن, جهان بویلب تنیقلی کیشی لرنینگ تورکیه بیلن همکارلیک پیام لری ترقتگن لیک لرینی بیلدیرماقده.
خبرده, راسل کرو, آنتونیو باندراس, ایوگینی گرینکو, مارک رافلو, جی جی یوهانسون, دوآ لیپا و مارک الیاهو نینگ هم موجود بولگن کوپلب صنعتچی نینگ اجتماعی ترماق آرقه لی قیغوداشلیک پیامی ترقتگن لیکلری معلوم قیلینماقده.
صباح روزنامه سی, تورکیه نینگ انتالیا ولایتیده گی توریزم ساحه سی بوییچه سرمایه دارلرنینگ 9 مینگ 450 اتاق نی زلزله دن تاثیرلنگن کیشی لر اوچون تیار وضعیت گه کیتیرگن لیک لرینی یازماقده.
خبرده, 15 مینگ نفر گه اتاق تیارله نه دیگن لیگی و اوشبو اتاق لر سانی نینگ آرتیریلیشی بوییچه فعالیت لرنینگ هم دوام ایتیاتگن لیگی ایسله تیلماقده.
روزنامه, مینگلب کیشی نینگ حادثه محلی ده کونگیللی بیر شکلده ایشلش اوچون مراجعه قیلگن لیگی و کوپلب کیشی نینگ قان بیرگن لیگی گه دقت قره تماقده.
ستار روزنامه سی, کوپلب اولکه لرنینگ تورکیه ده گی زلزله دن تاثیرلنگن کیشی لر اوچون یاردم فوندی تشکیل ایتگن لیگینی یازماقده.
خبرده, تایوان نینگ 2 میلیون دالر یاردم بیره دیگن لیگینی بیلدیررایکن, امریکا قوشمه ایالتلری تشقی ایشلر وزیرلیگی سوزچیسی ند پرایس نینگ هم تورکیه و سوریه گه یاردم یوباره دیگن لیگی نی بیلدیرگن لیگی ایسله تیلماقده.
روزنامه, قیرغزستان و پاکستان نینگ هم یاردم اوچون کمپاین باشلتگن لیگینی معلوم قیلماقده.
