تورکیه مطبوعاتیدن خلاصه لر 07.02.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ قهرمان ماراش ولایتیده یوز بیرگن 7,7 ریشترلیک ییر قیمیرلش حادثه سی نینگ سونگّی بیر عصرده میلادی 1939- ییلده گی ارزینجان زلزله سی آرتیدن اینگ کتته فلاکت دن عبارت ایکن لیگینی بیلدیرگن لیگینی معلوم قیلماقده. 

خبرده, اردوغان نینگ, "بوگون 85 میلیون نفوسی بولگن تورک ملتی نینگ بیر یقه دن باش چیقاریشی کیره ک" دییه قید ایتگن لیگی بیلدیریلماقده. 

خبرتورک روزنامه سی, قهرمان ماراش ده گی 7,7 ریشترلیک ییر قیمیرلش حادثه سی آرتیدن تورکیه قیزیل یریم آی جمعیتی نینگ باشلیغی داکتر کرم قینیق نینگ, تورکیه نینگ برچه ولایت لریده انسان لر نی قان بیریش گه چقیرگن لیگینی یازماقده. 

خبرده, شونده ی قیلیب تورکیه نینگ فرقلی شهرلریده انسان لرنینگ قان بیره باشله گن لیگی ایسله تیلماقده. 

صباح روزنامه سی, قهرمان ماراش ده گی زلزله نینگ 10 ولایتده تاثیری نی کورستگن لیگی گه دقت قره تماقده. 

خبرده, اوشبو زلزله آرتیدن تورکیه ده همه نینگ بیر یقه دن باش چیقارگن لیگی بیلدیریلماقده. 

روزنامه, دنیا نینگ فرقلی جای لریدن توپلنگن یاردم لرنینگ حادثه محلی گه ییتیب بارگن لیگی نی یازماقده. 

خبرده, تیم لرنینگ ویران بولیب قالگن اویلرنینگ تگیدن احتیاط بیلن انسان لرنی چیقاریش فعالیت لرینی دوام ایتدیررایکن, کوپلب شهرلردن توپلنگن خیمه و غذایی مواد نینگ حادثه محلی گه ییتکزیب بیریلیاتگن لیگی معلوم قیلینماقده. 

وطن روزنامه سی, خلق ارا مطبوعات و نشرات اورگان لری نینگ تورکیه نینگ جنوبی ده یوز بیرگن ییرقیمیرلش حادثه سی گه کینگ اورین اجره تگن لیگینی بیلدیرماقده. 

خبرده, اوشبو حادثه نینگ یوز بیریشی آرتیدن تورکیه گه یاردم و قیغوداشلیک پیام لری نینگ کیله باشله گن لیگی گه دقت قره تیلماقده. 

روزنامه, کوپلب اولکه لرنینگ رهبر لری نینگ تورکیه بیلن همکارلیککه تیار ایکن لیگینی بیلدیرگن لیگی نی یازماقده. 

ستار روزنامه سی, تورکیه جمهوررئیسلیک علاقه باشقرمه سی نینگ باشلیغی فخرالدین آلتون نینگ, ایلان ماسک نی هم قوشیمچه قیلیب بیرگن بیاناتیده, تورکیه ده گی زلزله بیلن علاقه لی ناتوغری معلومات لر گه دقت قره تگن لیگی نی بیلدیرماقده. 

خبرده, آلتون نینگ, تویتر آرقه لی بیرگن بیاناتیده, "بونده ی بیر عاجل وضعیتده, تویتر نینگ ناتوغری معلومات بوییچه سعی و حرکت لر گه اهمیت بیریشی کتته اهمیت گه ایگه.  تویتر دن مسئولیتلی بیر شکلده حرکت قیلیشی کوتیلماقده" دییه قید ایتگن لیگی ایسله تیلماقده.