تورکیه نینگ مطبوعات خلاصه لری

یینی شفق گزیته سی: " پیسکوف: پوتین بیلن ایردوغان مناسبتی اوزارا ایشانچ گه تیانماقده" سرلوحه سی بیلن خبر بیردی.

خبرگه کوره روسیه دولت رئیسلیگی سوزچیسی دیمیتری پیسکوف "روسیه دولت باشلیغی ویلادیمیر پوتین بیلن جمهور باشلیغی رجب طیب ایردوغان خاص مناسب گه ایگه. بو مناسبت درحقیقت اوزارا ایشانچ گه، اوزارا حرمت گه و بوینلریگه آلگن مسؤلیتلرگه صادق بولیش گه تیانه دی" دیب ایتدی.

حریت گزیته سی:" چاووش اوغلی فینلند بیلن تیگیشلی بیانات بیردی" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی سویدن و فینلندنینگ ناتوگه اعضالیکلری بیلن تیگیشلی "معمالی اولکه بیلن کمراق معمالی اولکه اورته سیده فرق قائل بولیش مینگه کوره عدالتلی بوله دی. بیز تورکیه اوله راق ناتو بو اولکه لر بونقه قرار آلگنده بونی علیحده علیحده بهالندیریشیمیزنی اویله میز. حرمتلی جمهور باشلیغیمیز هم فینلند توغریسیده سویدن گه کوره فرقلی یانداشوویده بولیشیمیز ممکن، دیب ایته دی" دیدی.    

ستار گزیته سی: " کانادا بیرمه دی تورکیه اوزی ایشلب چیقردی" سرلوحه سی بیلن خبر بیردی.

خبرگه کوره، تورکیه مدافعه ده گی چیکلاوگه جوابینی محلی سیستم بیلن بیردی. کانادادن تداریک ایتیلگونچه چیکلاو کیریتیلگن تیک اوچر اوشلش و ترانسفر سیستمی ایلک مرته وطنی و ملی ایتیب ایشلب چیقریلدی. سیستم ایلک وظیفه سیگه ملی فرقطین TCG استانبول بیلن باشله یدی.    

صباح گزیته سی: " فاتح بورغولش گه باشله دی" سرلوحه سی بیلن خبر بیردی.

خبرگه کوره، فاتح بورغولش کیمه سی سکاریا گاز ساحه سیده گی ینگی تثبیت قدوغی اماسرا-2 ده باشله دی.      

خبرتورک گزیته سی:" سکاریاده ایشلب چیقریله دی اروپاده ایلک بوله دی " سرلوحه سی بیلن خبر بیردی.

خبرگه کوره تیوتانینگ چارچلی هایبرت مودل ینگی C-HR دنیا مقیاسیده ایلک مرته تورکیه ده سکاریاده ایشلب چیقریله دی. تیوتا اتوموتیف صنایعی تورکیه عین دمده تیوتا اروپا کارخانه لری ایچیده هم بطری و چارچ بوله دیگن اتوموبیل ایشلب چیقرووچی فابریکه بوله دی.