تورکیه مطبوعاتیدن خلاصه لر 30.01.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون بیرگن بیاناتیده, سویدن بیلن فنلاند نینگ ناتو اعضالیگی بوییچه پروسه حقیده بحث ایترایکن, "فندلاند بیلن علاقه لی فرقلی پیام بیریشیمیز ممکن. سویدن حیران بولیب قاله دی" دییه قید ایتگن لیگینی بیلدیرماقده. 

ینی شفق روزنامه سی, ایتالیا ده دیجیتال معلوماتلر نی تحلیل قیلیاتگن بیر اویوشمه نینگ تدقیقاتلری گه کوره, جمهوررئیس رجب طیب اردوغان نینگ, اجتماعی ترماق آرقه لی اینگ کوپ کوزه تیلیاتگن رهبر لر آره سیده اورین آلگن لیگینی معلوم قیلماقده. 

خبرده, اجتماعی ترماق آرقه لی اینگ کوپ کوزه تیلیاتگن رهبر لرنینگ امریکا قوشمه ایالتلری دولت رهبری جو بایدن, جمهوررئیس اردوغان و اوکراین جمهوررئیسی ولادیمیر زلنسکی دن عبارت بولگن لیگی ایسله تیلماقده. 

صباح روزنامه سی, تورکیه جمهوریتی ملی مدافعه وزیری خلوصی آقر نینگ, تورکیه نینگ منطقه و دنیا ده تینچلیک نینگ اورنه تیلیشی اوچون سعی و حرکت قیلیاتگن لیگینی بیلدیرگن لیگینی یازماقده. 

خبرده, آقر نینگ, "بیر تاماندن چیگره لریمیز نی محافظه قیلرایکن, باشقه بیر تاماندن ایسه, شمالی قبرس تورک جمهوریتی, آذربایجانلیک و لیبیالیک قرداشلری میز نینگ تینچلیگی گه حصه قوشیب, سومالیا, سودان, کوسووا و بوسنیا کبی جغرافیه لرده مینگلب عسکری میز بیلن منطقه و دنیا ده تینچلیک نینگ اورنه تیلیشی اوچون کیچه- کوندوز سعی و حرکت قیلماقده میز" دییه قید ایتگن لیگی بیلدیریلماقده. 

وطن روزنامه سی, اوکراین نینگ اینگ کوپ تماشا قیلینیاتگن تلویزیون لری دن بیری بولگن 1+1 ده بیرقدار تی بی 2 اوچووچیسیز اوچاقلری حقیده حجتلی فلم تیارله نیب نشر قیلینگن لیگینی ایسلتماقده. 

خبرده, اوشبو حجتلی فلمده بیرقدار رهبرلیک کینگشی باشلیغی سلجوق بیرقدار و عمومی رئیس خلوق بیرقدار بیلن قیلینگن مصاحبه لر گه اورین اجره تیلگن لیگی گه دقت قره تیلماقده. 

ستار روزنامه سی, اوتگن ییلده تورکیه نینگ 160 اولکه گه 967 میلیون دالرلیک 1,3 میلیون تن مکرونی صادر قیلگن لیگینی بیلدیرماقده. 

خبرده, سکتور نینگ اوشبو صادرات رقمی نی 1,5 میلیون تن گه آرتیریش نی هدف قیلیب آلیاتگن لیگی ایسله تیلماقده.