تورکیه مطبوعاتیدن خلاصه لر 26.01.2023

وطن روزنامه سی, تورکیه جمهوریتی جمهوررئیسی رجب طیب اردوغان باشچیلیگیده ملی خوفسیزلیک کینگشی ییغیلیشی نینگ بولیب اوتگن لیگینی معلوم قیلماقده. 

خبرده, اوشبو ییغیلیش آرتیدن ترقه تیلگن بیلدیروده, سویدن گه پیام بیریلرایکن, "ناتو گه قوشیلماقچی بولگنلرنینگ اوز مسئولیتلرینی بجا کیتیریشلری کیره ک" دییه قید ایتیلگن لیگی بیلدیریلماقده. 

روزنامه, تورکیه نینگ, ناتو اعضالیگی اوچون سویدن نینگ, تعهد لری گه وفا قیلیب, ترور تشکیلاتلری نی قوللب- قوتلشنی توخته تیشی و ترورچیلرنی تورکیه گه تاپشیریشی کیره ک ایکنلیگینی بیلدیریاتگنلیگینی یازماقده.

حریت روزنامه سی, تورکیه نینگ عدالت و توسعه حزبی نینگ سوزچیسی عمر چلیک نینگ, جمهوررئیس اردوغان و تورکیه گه قرشی دشمنلیک سببلی سویدن ده قرآن کریم نی یاندیریب یوباریش فعالیتی نینگ عملگه آشیریلگن لیگینی بیلدیرگنلیگی گه دقت قره تماقده. 

خبرده, چلیک نینگ اوشبو عمل نینگ نازی ذهنیتی دن عبارت ایکنلیگینی بیلدیرگنلیگی ایسله تیلماقده. 

ستار روزنامه سی, تورکیه نینگ ناتو اعضالیگی اوچون سویدن و فنلاند دن طلب ایتگن شرطلردن بیری بولگن قورال تحریمی نینگ بیکار قیلینیشی بوییچه سویدن آرتیدن ایندی فنلاند نینگ هم اقدام قیلگنلیگینی یازماقده. 

خبرده, فنلاند مدافعه وزیرلیگی تامانیدن بیریلگن بیاناتده, تورکیه گه قرشی تطبیق ایتیلیاتگن حربی تجهیزات صادراتی تحریمی نینگ بیکار قیلینیگنلیگی نینگ بیلدیریلگنلیگی معلوم قیلینماقده. 

ینی شفق روزنامه سی, اوتمیشده تورکیه گه قرشی مخفی سانسور لرنی ایسلتگن تورکیه جمهوررئیسلیک علاقه باشقرمه سی نینگ باشلیغی فخرالدین آلتون نینگ, ایلان ماسک و تویتر رهبریتی گه چقیریق بیرگنلیگینی ایسلتماقده. 

خبرده, آلتون نینگ, "اوتمیشده تویتر آرقه لی تورکیه نینگ سیاسی حیاتی بوییچه قنده ی مداخله لرنینگ قیلینگلیگینی بیلدیرینگ.  حرمتلی جمهوررئیسی میز اردوغان و بیزلرنینگ اجتماعی ترماق حسابلریمیز اوچون قنده ی سانسولرنی مطرح قیلگنلیگینگیزنی ایتیب بیرینگ" دییه قید ایتگن لیگی بیلدیریلماقده. 

صباح روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, فضا گه کیته دیگن کاندید لرنینگ انیقلنگنلیگی و یقینده جمهوررئیس اردوغان تامانیدن اعلان قیلینه دیگنلیگینی بیلدیرگنلیگی گه دقت قره تماقده.