تورکیه مطبوعاتیدن خلاصه لر 25.01.2023
تورکیه مطبوعاتیده باسیلیب چیققن خبر لرنینگ خلاصه لری
ستار روزنامه سی, عرقچی سیاستچی راسموس پالود نینگ قرآن کریم گه قیلگن حرمت سیزلیگی آرتیدن, تورکیه جمهوریتی جمهوررئیسی رجب طیب اردوغان نینگ سویدن رهبریتی گه عکس العمل کورستگن لیگی نی بیلدیرماقده.
خبرده, "ناتو اعضالیگی بوییچه بیز نینگ حمایتی میز نی کوتمه نگ" دییه قید ایتگن اردوغان نینگ سوز لری نینگ دنیا مطبوعاتیده کینگ اورین ایگلله گن لیگی ایسله تیلماقده.
خبرتورک روزنامه سی, هالند نینگ انقره ایلچیسی نینگ تورکیه جمهوریتی تشقی ایش لر وزیرلیگی گه چقیریلگن لیگی نی یازماقده.
خبرده, تورکیه تشقی ایش لر وزیرلیگی تامانیدن بیریلگن بیاناتده, "هالند نینگ لاهه شهریده اسلام دشمنی بیر کیشی نینگ مقدس کتابی میز قرآن کریم گه قرشی جیرکنچ حرکتی نی اینگ کوچلی بیر شکلده قاره له یمیز" دییه قید ایتیلگن لیگی بیلدیریلماقده.
صباح روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, هالند ده قرآن کریم گه قرشی حرمت سیزلیک بیلن علاقه لی بیرگن بیاناتیده, "اوشبو فاشیزم و نفرت جرمی نی هیچ کیمسه نینگ ایرکین لیک و یخشی نیت دیب قبول قیلیشی ممکن ایمس. اوروپا ده بونده ی قارانغو حرکت لرنینگ توخته تیلیشی کیره ک" دییه قید ایتگن لیگی گه دقت قره تماقده.
حریت روزنامه سی, تورکیه جمهوریتی ملی مدافعه وزیری خلوصی آقر نینگ, پنجه- قفل عملیاتیده مهم بیر باسقیچ گه کیلینگن نی بیلدیررایکن, "زاب منطقه سی (عراق نینگ شمالی) بویوک مقیاسده ترورچی لر دن تصفیه ایتیلدی. پنجه قفل عملیاتی بیلن عراق چیگره سی بولگن 302 کیلومترلیک خط امنیت بولیب 506 نفر ترورچی یوق قیلیندی" دییه قید ایتگن لیگی نی یازماقده.
وطن روزنامه سی, بایکار رهبرلیک کینگشی باشلیغی و تکنالوژی باشلیغی سلجوق بیرقدار نینگ, "اوچووچیسیز اوروش اوچاغی میز قیزیل المه موفقیت بیلن اوچدی. یورتی میز و ملتی میز اوچون خیرلی بولسین" دییه قید ایتگن لیگی نی بیلدیرماقده.
