تورکیه مطبوعاتیدن خلاصه لر 24.01.2023

تورکیه مطبوعاتیده باسیلیب چیققن خبر لرنینگ خلاصه لری

1937230
تورکیه مطبوعاتیدن خلاصه لر 24.01.2023

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, توناون کابینه ییغیلیشی آرتیدن بیرگن بیاناتیده, چیرکنچ بیر عمل دن عبارت بولگن قرآن کریم نینگ یاندیریب یوباریلیشی گه اجازت بیرگن سویدن حکومتی گه قتتیق عکس العمل کورستگن لیگی نی بیلدیرماقده. 

خبرده, اردوغان نینگ, "سویدن رهبریتی حق و ایرکین لیک لر گه بو قدر حرمت کورسه ته دیگن بولسنگیز آلدین تورکیه جمهوریتی و مسلمان لرنینگ دینی عقیده سی گه حرمت کورسه تیشینگیز کیره ک. اوشبو خصوصده حرمت کورستمه سنگیز بیزدن هم ناتو توغریسیده سیزنی حمایت قیلیشی میز نی کوتمه نگ" دییه قید ایتگن لیگی گه دقت قره تیلماقده. 

ستار روزنامه سی, اوروپا اتفاقی تورکیه هیئتی باشلیغی نیکولاوس مایر-لاندروت نینگ, روسیه بیلن اوکراین اورته سیده گی اوروش نینگ بیر ییل لیگی مناسبتی بیلن 22- فبروری ده استانبولده کتته بیر رهبر لر ییغیلیشی نینگ بولیب اوته دیگن لیگی نی بیلدیرگن لیگی نی یازماقده. 

وطن روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ, توناون بیرگن بیاناتیده, قاره دینگیزده انرژی مرکزی قورگن لیک لری نی بیلدیررایکن, "بونینگ اوچون خاص کیمه لرگه احتیاجی میز بار.  'مقاومت' دیب ناملنگن کیمه دینگیزده گی ایش لر نی عملگه آشیریش اوچون قافله میز گه قوشیلگن وضعیتده" دییه قید ایتگن لیگی نی ایسلتماقده.

خبرتورک روزنامه سی, تورکیه صادراتچی لر مجلسی نینگ بیرگن معلوماتی گه کوره, میلادی 2021- ییل بیلن سالیشتیریلگنده میلادی 2022- ییلده تورکیه نینگ شمالی افریقا اولکه لری گه صادراتی نینگ 5,1 فایز گه آشیب 13 میلیارد 148 میلیون دالر گه کوتریلیب کیتگن لیگی گه دقت قره تماقده. 

حریت روزنامه سی, تورکیه جمهوریتی احصائیه اداره سی و مرکز بانکی تامانیدن بیریلگن معلومات گه کوره, مصرف ایتووچی ایشانچ شاخصی نینگ جنوری آییده 79,1 سویه سیده ایکن لیگی نی بیلدیرماقده. 

خبرده, دسامبر آییده اوشبو رقم نینگ 75,6 سویه سیده ایکن لیگی معلوم قیلینماقده. 



علاقه لی ینگی لیکلر