تورکیه مطبوعاتیدن خلاصه لر 30.11.2022

وطن روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه هوتلچی لر فدراسیونی 7- فوق العاده عمومی کینگشیده قیلگن معروضه سیده, "تورکیه نینگ میلادی 2021- ییلده کیلگن توریست سانی بوییچه دنیا ده تورتینچی و توریزم دن قولگه کیریتیلگن عایدات جهتی دن ایسه سککیزینچی اورین گه ایگه بولگن لیگی باعث جاری ییلده یخشی بیر موفقیت قولگه کیریتیشی میز ممکن. توریزم ساحه سی بوییچه رقیب لری میز نینگ خلق ارا بحران لر سببلی موفقیت لری آزه یگن شوو پیتده, بیز نینگ ینه ده کوپراق اورنه شیب جهان بویلب ییتکچی بولیشی میز اوچون یوللر آچیق" دییه قید ایتگن لیگی نی بیلدیرماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, ناتو تشقی ایش لر وزیرلری جلسه سی دایره سیده بخارست ده بولیب اوتگن آسپن انستیتوتی- آلمان مارشال وقفی ییغیلیشیده قیلگن معروضه سیده, روسیه بیلن اوکراین اورته سیده گی اوروش نینگ قوشنی اولکه لر گه هم تاثیر قالدیرگن لیگی نی بیلدیررایکن, "فقط گینه قاره ش بیلن معما نی ییچیش ممکن ایمس.  عادلانه بیر شکلده تینچلیک نینگ اورنه تیلیشی اوچون شرایط نینگ تامین ایتیلیشی کیره ک.  اوروش جریانی ده هم دیپلماسی نینگ دوام ایتتیریلیشی ممکن" دییه قید ایتگن لیگی نی یازماقده. 

حریت روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ, سوریه نینگ تروریزم معما لری موجود بولگن منطقه لریده عملیات اویوشتیریلیشی بوییچه بیانات بیرگن لیگی نی معلوم قیلماقده. 

خبرده, قلین نینگ, "فرقلی شکل لرده عملیات لرنینگ مطرح بولیشی ممکن.  ایرته گه, کیلگوسی هفته ده یاکه باشقه بیر وقت ده بولیشی ممکن" دییه قید ایتگن لیگی ایسله تیلماقده. 

ینی شفق روزنامه سی, تورکیه نینگ استانبول ولایتی ده گی صبیحه گوکچن خلق ارا هوا قونلغه سی نینگ, Bluesky Awards 2022 نینگ هواچیلیک موفقیت ساورین لری کتگوری سیده "ییل نینگ دیجیتال هوا قونلغه سی" ایتیب سیلنگن لیگی نی یازماقده.