تورکیه نینگ مطبوعات خلاصه لری

تورکیه نینگ مطبوعات خلاصه لری

1911214
تورکیه نینگ مطبوعات خلاصه لری

خبرتورک گزیته سی: " جمهور باشلیغی ایردوغان بیانات بیردی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان توناون کونی بیرگن بیاناتده، "اوقیتووچیلریمیزگه قول کوترگن نی بیز جزا بیره میز. اولکه میزگه قره ته ترور تهدیدی بوتونله ی یکونلنگونچگه قدر بو کوره شیمیزگه دوام ایته میز" دیدی.

 

ستار گزیته سی:" جمهور باشلیغی اورینباسری اوکتای: "ترورنینگ برچه عنصرلریگه قرشی کوره شیش گه قرارلی میز" سرلوحه سی بیلن خبر بیردی.

خبرگه کوره جمهور باشلیغی اورینباسری فواد اوکتای توناون کونی پایتخت انقره ده بیرگن بیاناتده "هاتایدن انتالیاگچه جنوب چیگره میزنی بوتونله ی ترورنینگ برچه عنصرلریگه قرشی کوره شیش گه قرارلی میز "دیدی.

 

صباح گزیته سی: " تشقی ایشلر وزیری چاووش اوغلی، فینلند تشقی ایشلر وزیری پیکا هاویستو بیلن سوزلشدی" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی، توناون کونی فینلند تشقی ایشلر وزیری پیکا هاویستو بیلن تیلفون آرقه لی سوزلشدی. سوزلشووده اوکراینده گی سونگگی وضعیت و حبوبات کوریدوری تیلگه آلیندی.

 

حریت گزیته سی:" مدافعه وزیری آقر، روس کسبداشی شویگو بیلن سوزلشدی" سرلوحه سی بیلن خبر بیردی.

خبرگه کوره مدافعه وزیری خلوصی آقر روسیه مدافعه وزیری سرگی شویگو بیلن تیلفون آرقه لی سوزلشدی. ایککی وزیر سوزلشووده منطقوی مدافعه و خوفسیزلیک موضوعلرینی تیلگه آلدی.

 

یینی شفق گزیته سی: " وطنی اتوموبیل توگده قطار تولید دوام ایتماقده" سرلوحه سی بیلن خبر بیردی.

خبرگه کوره، تورکیه نینگ وطنی و ملی اتوموبیلی توگده قطار تولید دوام ایتماقده. 29 اکتوبرده جمهور بیره میده آچیلیش مراسمی بولیب اوتگن توگده 227 – وطنی اتوموبیل تیارلندی. توگ نینگ خلق ارا تخنیک ییترلی لیک تیستلری نینگ اداغگه ییتیب باریشی نینگ آرتیدن 2023 ییلی مارچ آییده یولگه چیقیشی کوتیله دی.  



علاقه لی ینگی لیکلر