تورکیه مطبوعاتیدن خلاصه لر 23.11.2022

تورکیه مطبوعاتیدن خلاصه لر 23.11.2022

1910100
تورکیه مطبوعاتیدن خلاصه لر 23.11.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, سوریه نینگ شمالیده گی ترور تشکیلات لری نینگ تورکیه نینگ قارقمیش منطقه سی گه قره ته راکت آتگن لیگی بیلن علاقه لی بیرگن بیاناتیده, تورکیه نی کلمه اوین لری بیلن و ترور تشکیلاتی نینگ آتی نی اوزگرتیریب مصروف قیلیب قویماقچی بولگن لر نینگ ایندی بو ایش نی قیله آلمه یدیگن لیک لری نی بیلدیرگن لیگی نی معلوم قیلماقده. 

خبرده, جمهوررئیس اردوغان نینگ, "چیگره لری میز و وطنداش لری میز گه قره ته هجوم لر نینگ دوام ایتیاتگن جای لرده, خوفسیزلیک تدبیر لری آلیشی میز گه هیچ بیر تامان نینگ توسقین لیک قیلیشی ممکن ایمس" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی ایچکی ایش لر وزیری سلیمان سویلو نینگ, تروریزم گه قرشی کوره ش بوییچه موازنه دن بحث ایتگن آلمان ایچکی ایش لر وزیری نانسی فایسیر گه عکس العمل کورستگن لیگی نی یازماقده. 

خبرده, سویلو نینگ, "استقلال جاده سیده معصوم انسان لر اولدیریلدی.  او انسان لر جان بیررایکن, هیچ قنده ی بیر موازنه بحث موضوعی بولمه دی.  پولند گه ایکّی راکت اصابت ایتگن لیگی اوچون ناتو جدی گپ لر گپیردی.  فرقلی جغرافیه لر, دین لر و منطقه لرده گی انسان لرنینگ فرقلی بولیش لری ممکن ایمس.  انسان حق لری دنیا نینگ همه جاییده انسان لر گه عاید" دییه قید ایتگن لیگی ایسله تیلماقده. 

وطن روزنامه سی, سوریه نینگ عین العرب منطقه سیده گی ترور تشکیلاتی پ.ک.ک/وای پی جی اعضاسی ترورچی لرنینگ تورکیه نینگ غازی انتیپ ولایتی قارقمیش تومنی ده گی مکتب لر گه راکت آتیشی عاقبتیده شهید بولگن 5 یاشلی حسن قاره تاش نینگ توپراققه تاپشیریلگن لیگی گه دقت قره تماقده. 

خبرده, ترور تشکیلاتی پ.ک.ک/وای پی جی نینگ مکتب گه قره تیلگن هجومی عاقبتیده شهید بولگن اوقیتووچی عایشه نور آلقان نینگ هم منگو سفر گه کوزه تیلگن لیگی بیلدیریلماقده. 

ینی شفق روزنامه سی, روسیه جمهوررئیسلیک قصری کرملین سوزچیسی دمیتری پسکوف نینگ, تورکیه نینگ عراق و سوریه نینگ شمالیده گی ترورچی لر گه قره تیلگن عملیات لری حقیده بیرگن بیاناتیده, "تورکیه نینگ سوریه بیلن علاقه لی قیغو لری نی درک ایته میز.  بونینگ تورکیه نینگ مشروع حقیدن عبارت ایکن لیگی نی اویله ماقده میز" دییه قید ایتگن لیگی نی بیلدیرماقده. 

ستار روزنامه سی, مراکش قرالی 6- محمد نینگ, "مدنیت لر اتفاقی ییغیلیشی نینگ دواملی لیگی نینگ تامین ایتیلیشی بیلن اوشبو ییغیلیش نینگ فرهنگ لر, دین لر و مدنیت لر آره سی مفکوره, ایشانچ و دیالوگ اوچون بیر منبع اوله راق استفاده ایتیلیشی توغریسیده تورکیه, اسپانیا و سعی و حرکت قیلگن همه گه منتدارچیلیک بیلدیره من" دییه قید ایتگن لیگی نی یازماقده. 



علاقه لی ینگی لیکلر