تورکیه نینگ مطبوعات خلاصه لری

حریت گزیته سی: " مدافعه صنایعی سکتوری تورکیه عصری نینگ مهم پایدیوارلریدن بیرته سی بوله دی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان مدافعه صنایعی ریاستی قورولیشی نینگ 37 – ییللیگی پیامیده "تورکیه، بوگونگی کونده سونگگی ییللرده آلیب بارگن مدافعه صنایعیده گی یوتوقلری بیلن منطقه ده کوچلی بیر اولکه وضعیتی گه ایلندی. مدافعه صنایعیده قولگه کیریتگن تاریخی یوتوقنی هدفلریمیزنی قولگه کیریتیب یینه یوتوق قازانماقچی میز. مدافعه صنایعی سکتوری نینگ تورکیه عصری نینگ مهم پایدیوارلریدن بیرته سی بولیشی گه ایشانه من" دیدی.     

ستار گزیته سی:" دنیا مقیاسیده بویوک شرکت ولوونینگ وطنیدن توگ مقتاوی" سرلوحه سی بیلن خبر بیردی.

خبرگه کوره دنیا اتوموبیل شرکتی ولوونینگ تولید ایتووچیسی بولمیش سویسده تورکیه نینگ وطنی اتوموبیلی توگدن بحث ایتیلماقده. سویس نینگ ایکسپریسن گزیته سیده اورین آلگن بیر مقاله ده بازارگه چیقریش تیارگرلیده بولگن برقی اتوموبیل توگ نینگ اروپانی مقصد قیلیب آلگن لیگی گه دقت تارتیب "تورکیه بازاریگه چیقیشیدن 15-18 آی کیین اروپاگه صادر قیلیش گه باشلنه دی" دییلدی.      

یینی شفق گزیته سی:" زراعت سکتوریدن ریکور سویه ده صادرات" سرلوحه سی بیلن خبر بیردی.

خبرگه کوره زراعت سکتوری تاریخ نینگ جنوری – اکتوبر صادراتینی عملگه آشیریب 27 میلیارد 525 میلیون دالرلیک صادراتگه قول قویدی.  

صباح گزیته سی: " تورک هوا یوللری آلمان نینگ تعقیبیده" سرلوحه سی بیلن خبر بیردی.

خبرگه کوره، مرکزی انگلستانده بولمیش سکایتراکس تامانیدن اویوشتیریلگن دنیا هوا یوللری مکافاتلری رویخطی گه 7- اورینده تورگن تورک هوا یولی آلمانده کون ترتیبیده اورین آلگن وضعیتده. تورک هوا یولی نینگ یوتوغی اولراق "تورک هوا یولی لوفتنزانی اوتدی" سوزلری بیلن بیرگن آلمان مطبوعاتی ایککی هوا یول شرکتینی قیاسله دی.    

خبرتورک گزیته سی: "اماسراده تاریخی مهر تاپیب آلیندی" سرلوحه سی بیلن خبر بیردی.

خبرگه کوره، بارتین ولایتی نینگ اماسرا تومنیده آلیب باریلگن اماستریس انتیک شهرده گی قوتقروو قازوولریده قدیم مصرلیک لردن قالگن لیگی تخمین ایتیلگن تاریخی مهر تاپیب آلیندی.