تورکیه مطبوعاتیدن خلاصه لر 29.09.2022

تورکیه مطبوعاتیدن خلاصه لر 29.09.2022

1886484
تورکیه مطبوعاتیدن خلاصه لر 29.09.2022

صباح روزنامه سی, تورکیه جمهوریتی جمهوررئیسی رجب طیب اردوغان نینگ, خصوصی بیر تلویزیون آرقه لی بیرگن بیاناتیده, "یونان نینگ اژه ده گی ارال لر گه امریکا قوشمه ایالتلری نینگ زرهی واسطه لری نی جایلشتیریاتگن لیگی حقیده بحث ایترایکن, "بو ارال لرنینگ سلاح لردن تصفیه ایتیلیشی کیره ک" دییه قید ایتگن لیگی نی بیلدیرماقده. 

خبرده, اردوغان نینگ اوز سوز لری نی, "امریکا قوشمه ایالتلری نینگ یونان نی ناتوغری سوق بیرمسلیگی و خلق ارا جامعه نینگ ینگلیش یول گه کیتیشی گه اجازت بیرمس لیگی نی کوتماقده میز" شکلیده دوام ایتتیرگن لیگی معلوم قیلینماقده. 

حریت روزنامه سی, جمهوررئیس اردوغان نینگ ملی خوفسیزلیک کینگشی ییغیلیشی آرتیدن بیرگن بیاناتیده, "یونان نینگ بیهوده اینتیلیش لری گه قرشی ملتی میز نینگ منفعت لری نینگ قورینیشی اوچون هر خیل مشروع یول و واسطه دن فایده له نه میز" دییه قید ایتگن لیگی نی ایسلتماقده. 

خبرتورک روزنامه سی, تورکیه جمهوریتی انرژی و طبیعی منبع لر وزیری قاتح دونمز نینگ, برق, پطرول و طبیعی گاز بوییچه تورک دولت لری اورته سیده ینه ده کوپراق همکارلیک امکانیتی اوچون سعی و حرکت قیلینیشی کیره ک ایکن لیگی نی بیلدیررایکن, اوشبو همکارلیک دایره سیده خزر دینگیزی نینگ غربی بیلن شرقی نینگ بیرلشتیریلیشی نینگ ممکن ایکن لیگی نی معلوم قیلگن لیگی نی بیلدیرماقده. 

ستار روزنامه سی, تورک هوا یوللری شرکتی نینگ سونگّی پیت لرده آلگن ساورین لر نینگ آلمان مطبوعاتیده اورین آلگن لیگی نی یازماقده. 

خبرده, آلمان نینگ اشپیگل روزنامه سی نینگ, اوشبو خبر نی "تورک هوا یوللری, لوفتهانزا دن اوتیب کیتدی" عنوانی بیلن بیرگن لیگی ایسله تیلماقده. 

ینی شفق روزنامه سی, یاز موسمی نینگ توگه گن لیگی گه قره مسدن تورکیه نینگ انتالیا شهری گه اوچاق بیلن کیلگن توریست سانی نینگ رکورد سویه گه ییتگن لیگی نی یازماقده. 

خبرده, انتالیا والیسی ایرسین یازیجی نینگ, شهر گه اوچاق بیلن کیلگن چیت ایللیک توریست سانی نینگ 10 میلیون 788 مینگ 467 نفر گه ییتگن لیگی نی بیلدیررایکن, توریست لرنینگ اینگ کوپ آلمان و روسیه دن کیلگن لیک لری معلوم قیلینماقده. 



علاقه لی ینگی لیکلر