تورکیه مطبوعاتیدن خلاصه 28.09.2022

تورکیه مطبوعاتیدن خلاصه 28.09.2022

1885905
تورکیه مطبوعاتیدن خلاصه 28.09.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, ارال لر نی قوراللنتیریاتگن یونان گه قتتیق عکس العمل کورستگن لیگی نی بیلدیرماقده. 

خبرده, غربی تراکیا و ارال لر گه جایلشتیریلگن قوراللر نینگ تورکیه جهتی دن هیچ قنده ی بیر معنی گه ایگه ایمس لیگی نی بیلدیرگن اردوغان نینگ, "بیزنینگ کوچی میز و امکانیت لری میز بوندن انچه کوپ" دییه قید ایتگن لیگی گه دقت قره تیلماقده. 

روزنامه جمهوررئیس اردوغان نینگ, اوشبو خصوصده اوز سوز لری نی, "امریکا قوشمه ایالتلری و اوروپا نینگ حمایتی نینگ سیز لرنی قوتقره دیگن لیگی نی اویله سیز می؟ قوتقرمه یدی" شکلیده دوام ایتتیرگن لیگی نی یازماقده. 

ستار روزنامه سی, تورکیه نینگ جغرافی موقعیتی جهتی دن اوروپا گه یقین لیگی نینگ اهمیت کسب ایتگن لیگی و کوپلب سکتور لر ده اساسی رول اوینه یاتگن لیگی نی بیلدیرگن لیتوانیا نینگ انقره ایلچی سی ریکارداس دیگوتیس نینگ, "لیتوانیا بیلن تورکیه اورته سیده باشله یدیگن ینگی همکارلیک, ینگی امکانیت لرگه سبب بوله دی" دییه قید ایتگن لیگی نی معلوم قیلماقده. 

خبرده, لیتوانیا پارلمانی اعضاسی ریمانته سالاسیوته نینگ هم سرمایه گذارلیک بوییچه تورکیه بیلن همکارلیک قیلیش کیره ک ایکن لیگی نی معلوم قیلگن لیگی بیلدیریلماقده. 

صباح روزنامه سی, تورکیه جمهوریتی انرژی و طبیعی منبع لر وزیری فاتح دونمز نینگ, تورکیه نینگ, شمال انرژی سی سکتوری ده اوروپا و منطقه نینگ مرکزی گه ایله نیش نی هدف قیلیب آلگن لیگی نی بیلدیرگن لیگی گه دقت قره تماقده. 

خبرده, دونمز نینگ, تورکیه نینگ اوروپا نینگ بیشینچی شمال انرژی سی پرزه لری ایشلب چیقاروچیسی ایکن لیگی نی بیلدیررایکن, "میلادی 2021- ییلده 50 گه یقین اولکه گه تقریباً 1,5 میلیارد یورولیک شمال توربینی و پرزه ساتدیک" دییه قید ایتگن لیگی معلوم قیلینماقده. 

حریت روزنامه سی, تورکیه جمهوریتی خزانه و مالیه وزیرلیگی میزبانلیگیده بولیب اوته دیگن "اقتصادی اوزگریش رهبر لر ییغیلیشی" دایره سیده, دنیا نینگ اینگ مهم اقتصاد متخصص لری نینگ استانبول گه کیله دیگن لیگی نی یازماقده. 

خبرده, اوشبو ییغیلیش نینگ پنجشنبه کونی (29- سپتامبر) باشله یدیگن لیگی بیلدیریلماقده. 



علاقه لی ینگی لیکلر