تورکیه نینگ مطبوعات خلاصه لری

تورکیه نینگ مطبوعات خلاصه لری

1885370
تورکیه نینگ مطبوعات خلاصه لری

خبرتورک گزیته سی: " یونان بیز بیلن تینگ ایمس" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، توناون کونگی کابینه جلسه سی نینگ آرتیدن بیرگن بیاناتده، یونان نینگ ایگه گه قیلگن حربی سوقیاتی گه تماس قیلیب "آتن باشقرووی تحریکلردن وازکیچیشی کیره ک" دیدی. جمهور باشلیغی ایردوغان "یونان بیزنینگ تینگیمیز ایمس دیر. یونانلیک ییتکچیلر بونگه جواب بیره دی" دیب ایتدی.

 

حریت گزیته سی:" مدافعه وزیری آقر تروریزم گه قرشی کوره ش بوییچه قرارلیلیک نی تاکییدله دی" سرلوحه سی بیلن خبر بیردی.

خبرگه کوره ملی مدافعه وزیری خلوصی آقر، توناون کونی بیرگن بیاناتده تروریزم گه قرشی کوره ش نینگ بویوک بیر یوتوق بیلن دوام ایتیب تورگن لیگینی تاکییدلب 2015 ییلی 24 جولایدن بوگونگچه 36 مینگ 143 تروریست جنگری نینگ تاثیرسیزوضعیت گه کیلتیریلگن لیگینی ایتدی. 

 

یینی شفق گزیته سی:" چاووش اوغلی: مقصدیمیز پوتین بیلن زلنسکی نی اوچره شتیریش " سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی، توناون جاپانده بیرگن بیاناتده "جمهور باشلیغیمیز (رجب طیب ایردوغان) (روسیه دولت باشلیغی ویلادیمیر) پوتین و (اوکراین دولت باشلیغی ویلادیمیر) زلنسکی بیلن تماسلرگه دوام ایته دی. مقصدیمیز ایککی رهبرنی اوچره شتیریب رهبرلر سویه سیده قرارلرنینگ آلینیشینی تامین ایتیش" دیب ایتدی.   

 

صباح گزیته سی: "اقتصادی رواجلنیش و همکارلیک تشکیلاتی تورکیه اقتصادی اوچون اوسیش تخمینینی یوقاری چیقردی" سرلوحه سی بیلن خبر بیردی.

خبرگه کوره، اقتصادی رواجلنیش و همکارلیک تشکیلاتی تورکیه نینگ جاری ییلده اقتصادی اوچون اوسیش تخمینینی 3،7 دن 5،4 فایزگه چیقردی.

 

ستار گزیته سی: "تورکلرده کیفیتلیسی بار" سرلوحه سی بیلن خبر بیردی.

خبرگه کوره، جنوبی افریقا جمهوریتی نینگ قوراللی کوچلر قومندانی جنرال ردزانی مفاوانا تورکیه بیلن همکارلیک نی کوتگن لیکلرینی معلوم قیلیب "تورک مدافعه صنایعی نینگ ظرفیتینی بیله میز. تورک مدافعه صنایعی اینگ یخشی کیفیت گه ایگه" دیدی.  



علاقه لی ینگی لیکلر