تورکیه نینگ مطبوعات خلاصه لری

خبرتورک گزیته سی: "تشقی ایشلر وزیری مولود چاووش اوغلی بیانات بیردی " سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی توناون کونی بیرگن بیاناتده، سوریه ده دایمی بیر برقرارلیک و تینچلیک اوچون کیلیشوونینگ شرط ایکن لیگینی ایتدی. مولود چاووش اوغلی سوریه ده مخالفت بیلن تیزیم اورته سیده کیلیشوو بولیشی بیلن تیگیشلی اوتگن هفته بیرگن بیاناتلری نینگ بو اولکه ده گی ایچکی اوروش نینگ اداغگه ییتکیزیلیشی اوچون تورکیه تامانیدن آلیب باریلگن اورونیشلرنینگ نتیجه سی ایکن لیگینی تاکییدله دی.

حریت گزیته سی: "مدافعه وزیری آقر اوکراینلیک کسبداشی رزنیکوف بیلن سوزلشدی"  سرلوحه سی بیلن خبر بیردی.

خبرگه کوره ملی مدافعه وزیر خلوصی آقر بیلن اوکراین مدافعه وزیری اولیکسی رزنیکوف تیلفون آرقه لی اوزارا سوزلشوو اوتکزدی. اوشبو سوزلشووده اوکراینده گی سونگگی وضعیت قاله ویرسه حبوبات سوقیاتی حقیده فکر المه شووی عملگه آشیریلدی.

صباح گزیته سی:" تندورک تروریزمدن بوتونله ی تمیزلندی سرلوحه سی بیلن خبر بیردی.

خبرگه کوره ایچکی ایشلر وزیری سلیمان سویلو آغریده جایلگن تندورک تاغی نینگ تروریستلرنینگ قولیدن بوتونله ی تمیزلب آلینگن لیگینی بیلدیردی. سویلونینگ بیاناتی گه قره گنده قیدیروو رویخطیده بولمیش 2 ته تروریست جنگری تاثیرسیز وضعیت گه کیلتیریلیب تندورکده گی تروریست اویه سی یوق قیلینگن بولدی. 

یینی شفق گزیته سی: "هنگری برچه سینی تیله یمیز دیب اعلان قیلدی: تورک مدافعه صنایعی محصوللرینی الیش گه قرار بیردیک" سرلوحه سی بیلن خبر بیردی.

خبرگه کوره هنگری تکنالوجی و صنایع وزیری لازلو پالکوویچ تورکیه سفری دایره سیده انسانسیز هوا واسطه لری ساحه سیده همکارلیکلرنی تیلگه الگن لیکلرینی معلوم قیلیب "هنگری اردوسی، تورک مدافعه صنایع محصوللرینی آلیش گه قرار قیلدی. تورکیه ایشلب چیقرگن بو واسطه لر، اوروش ساحه سیده ینگی بیر یول ایکن لیگینی کورستدی" دیدی.

وطن گزیته سی: " قصاب اوغلی: اسلامی بیردملیک بیلله شوولریده تاریخی میدال ریکوردی اورنه تیش گه دوام ایتماقده میز"  سرلوحه سی بیلن خبر بیردی.

خبرگه کوره یاشلر و سپورت وزیری مِحمد محرم قصاب اوغلی تورکیه نینگ قونیه ده اویوشتیریلگن 5- اسلامی بیردملیک بیلله شوولریده ریکورد اورنه تگن لیگینی بیلدیردی. قصاب اوغلی "حلی گچه بیز قولگه کیریتگن 238 ته میدال عیندمده اسلامی بیردملیک بیلله شوولری تاریخیده هم بیر اولکه تامانیدن قولگه کیریتیلگن اینگ کوپ میدال سانی. بیلله شوولر تاریخی نینگ اینگ موفق اولکه سی بولدی" دیدی.