تورکیه نینگ مطبوعات خلاصه لری

حریت گزیته سی: " حبوبات یوکلنگن رزونی کیمه سی استانبول دینگیزیده لنگر تشله دی سرلوحه سی بیلن خبر بیردی.

خبرگه کوره ملی مدافعه وزیرلیگی تامانیدن بیلدیریلیشیچه اوکراین نینگ اودیسا بندریدن حرکت قیلگن جواری یوکلنگن رزونی قوروق یوک کیمه سی استانبول بوغزی دینگیز ساحه سیده لنگر تشله گن.

ستار گزیته سی: "چاووش اوغلی بو بیرلیک برچه دنیاگه کوچلی پیام بیره دی"  سرلوحه سی بیلن خبر بیردی.

خبرگه کوره تورکیه – اوزبیکستان – آذربایجان اوچ تامتانلیک تشقی ایشلر، تجارت و ترانسپورت وزیرلری جلسه سیده بیانات بیرگن تشقی ایشلر وزیری مولود چاووش اوغلی "تورک دنیاسی نینگ برقرارلیگی گه حصه قوشووچی عملی آدیملرگه، بو جلسه لرگه باشچیلیک قیلیشیمیز کیره ک. بو شکلده اوچره شیشیمیز هم اوز باشیده هم خلقیمیزگه همده دنیاگه بیر پیام بیرماقده" دیدی.     

وطن گزیته سی: آلتون و کموش پیامی" سرلوحه سی بیلن خبر بیردی.

خبرگه کوره صنایع و تکنالوجی وزیری مصطفی ورنک "چاناق قلعه منطقه سیده توپراق آستیده 80 الی 100 میلیارد دالرلیک آلتین و کموش بار" دیدی.   

صباح گزیته سی: "قیزیلچه مرمری 60 اولکه گه صادر قیلینماقده " سرلوحه سی بیلن خبر بیردی.

خبرگه کوره دنیا مقیاسیده فقط ایلازیغ ولایتی اله چتی تومنیده چیقریلگن قیزیلچه مرمری امریکا، چین، فرانسه، ایتالیا و سعودی عربستان بیلن بیر قطارده 60 اولکه گه صادر قیلینماقده. مرمر آق اوی، امریکا قوشمه ایالتلری کنگره بناسی، مسجد اقصی و کعبه قاله ویرسه دنیا مقیاسیده معتبر جایلرده ایش آلینماقده.

یینی شفق گزیته سی: " کروازیر 6 آیده 200 مینگ یولاچی کیلتیردی "  سرلوحه سی بیلن خبر بیردی.

خبرگه کوره پاندیمی نینگ اداغگه ییتیب باریشی بیلن کروازیر توریزمیده یوز بیرگن حرکتلیلیک تورکیه گه فایده قیلدی. ییل نینگ ایلک 6 آییده 286 ته کیمه، 200 مینگ اطرافیده یولاوچی بیلن بندرلریمیزگه کیلدی. 2022 ییلی 900 ته کروازیر کیمه سیدن 1،5 میلیون توریست کوتیلماقده.