تورکیه نینگ مطبوعات خلاصه لری

صباح گزیته سی: " تورکیه خواهله گن نرسه نی قولگه کیریتیب آلدی: " سرلوحه سی بیلن خبر بیردی.

خبرگه کوره مادریدده بولیب اوتگن 4 تامانلیک جلسه ده تورکیه، سویدن و فینلند اورته سیده فینلند بیلن سویدن نینگ ناتوگه اعضالیک بیتیمی گه تشقی ایشلر وزیرلری تامانیدن قول قوییلدی. قوشمه بیاناتده " پی کاکا و ایریم ترور تشکیلاتلرگه قرشی کوره شده تورکیه بیلن بولیش قاله ویرسه پی وای دی/وای پی جی و تورکیه ده فتو دیب اتلگن ترور تشکیلاتلرینی قوللب – قوتله مه یدی" و"تروریست جنگریلرنینگ تسلیم بیریلیشی بوییچه عملی ادیم آتیش و اوزارا سویه ده کیلیشووگه قول قوییلیشی" مهم موضوعلر بولدی.

ستار گزیته سی: "اسرائیل باش وزیری بنت جمهور باشلیغی ایردوغان گه منتدارچیلیک بیلدیردی " دیب اعلان قیلدی سرلوحه سی بیلن خبر بیردی.

خبرگه کوره اسرائیل باش وزیری نفتالی بنت "جمهور باشلیغی ایردوغان و یاردمچیلریگه، تورکیه ده اسرائیللیکلرنینگ اماج قرار بیریلیشی گه توسیق بولیش اوچون همکارلیک لری اوچون منتدارچیلیک بیلدیرماقچی من" دیدی.

وطن گزیته سی: " جمهوریت تاریخی نینگ اینگ یوکسک سویه سیگه باردی"  سرلوحه سی بیلن خبر بیردی.

خبرگه کوره خزینه و مالیه وزیری نورالدین نباتی مجلسده قیلگن صحبتیده 2022 ییلی می آییده صادراتیمیز ییللیک 242،6 میلیارد ئالر بیلن جمهوریت تاریخی نینگ اینگ یوقاری سویه سیگه ییتدی" دیدی.   

خبرتورک گزیته سی: " اسلام همکارلیک تشکیلاتی شانلی اورفانی 2023 توریزم شهری ایتیب تنله دی "  سرلوحه سی بیلن خبر بیردی.

خبرگه کوره آذربایجانده بولیب اوتگن اسلام همکارلیک تشکیلاتی نینگ 11- توریزم وزیرلری کنفرانسیده شانلی اورفا 2023 توریزم شهری ایتیب تنلندی.

یینی شفق گزیته سی: " تورک هوا یوللری گه مکافات بیریلدی " سرلوحه سی بیلن خبر بیردی.

خبرگه کوره تورکی هوا یوللریگه خلق ارا فینانس عالمی نینگ معتبر تشکیلاتلریدن بولمیش ورلد فینانس تامانیدن 2022 ییلی مکافاتی بیریلدی.