تورکیه نینگ مطبوعات خلاصه لری

ستار گزیته سی: "چیگره دن تشقری حربی عملیات اشاره قیلیندی " سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان کابینه جلسه سی نینگ آرتیدن بیرگن بیاناتده "سوریه نینگ تامانیده گی چیگره میزده بیز ایجاد ایتیش گه اورونگن خوفسیز کوریدورنینگ کمچیلیکلرینی برطرف ایتیش اوچون تیارگرلیگیمیز اداغگه ییتگنده ینگی عملیاتگه باشله یمیز" دیدی. 

حریت گزیته سی: "هیچ بیر متفقیمیز تورکیه قدر هجوم گه دوچ قالمه دی " دیب اعلان قیلدی سرلوحه سی بیلن خبر بیردی.

خبرگه کوره ناتو باش کاتبی ینس ستولتنبرگ «برچه میزنینگ خوفسیزلیک قیغولری ناتو اعضالیک جریانی نینگ بیر پارچه سی ایتیب دقت قیلینیشی کیره ک. هیچ بیر متفقیمیز ترور تشکیلاتی پی کاکانینگ هجوملری داخل تورکیه قدر هجوم گه دوچ قالمه دی» دیب ایتدی.

صباح گزیته سی: " ایردوغان نفت پیامی بیردی"  سرلوحه سی بیلن خبر بیردی.

خبرگه کوره جمهور باشلیغی ایردوغان "آداناده نفت قدیرووی آلیب باریلگن ایککی ته قدوقده یوکسک کیفیتلی نفت تاپدیک. نفت نینگ ذخیره ارزشی 1 میلیارد دالر ایتیب حسابلنگن دیر" دییدی.  

یینی شفق گزیته سی: " چاووش اوغلی زنگزور کوریدوری تیزده آچیلیشی کیره ک " سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی تورکیه – آذربایجان – قزاقستان تشقی ایشلر و ترانسپورت وزیرلری جلسه سی نینگ آرتیدن بیرگن بیاناتده آذربایجان بیلن ارمنستان اورته سیده گی جریاننی قوللب – قوتله گن لیکلرینی معلوم قیلیب "آذربایجان نینگ غربی منطقه لری بیلن نخجوان اورته سیده علاقه قوره دیگن زنگزور کوریدورینی کوچلی شکلده قوللب – قوتله یمیز. کوریدورنینگ تیزده آچیلیشینی کوتماقده میز" دیدی.    

خبرتورک گزیته سی: " انتالیاگه هوا یولی آرقه لی کیلگن توریت سانی 4 میلوندن آشدی "  سرلوحه سی بیلن خبر بیردی.

خبرگه کوره انتالیاگه 1 جنوری 26 جون تاریخلری اورته سیده هوا یولی آرقه لی کیلگن توریت سانی اوتگن ییل نینگ خوددی شو باسقیچی گه کوره 193 فایز کوپه ییب 4 میلوندن آشدی.