تورکیه مطبوعاتیدن خلاصه لر 24.06.2022

حریت روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, رسمی بیر سفر بیلن تورکیه گه تشریف بویورگن انگلستان تشقی ایش لر وزیری لیز ترس بیلن ترتیب له گن اورتاق مطبوعاتی کنفرانس جریانیده, "قاره دینگیز ده گی حبوبات یولی اوچون تورکیه صفتیده مثبت بیر رول اوینه ماقده میز.  روسیه تامانیدن استانبولده بولیب اوتیشی ریجه لنگن ییغیلیش بوییچه مثبت جواب کوتماقده میز" دییه قید ایتگن لیگی نی یازماقده. 

ینی شفق روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, اسرائیل بیلن تورک تشقی ایش لری اورته سیده گی ایکّی تامانلمه سیاسی و منطقوی  مشوره لرنینگ اهمیت گه ایگه ایکن لیگی نی بیلدیررایکن, "دیپلماتیک نماینده لیک سویه میزنی ایلچی لیک سویه سی گه کوتریش بوییچه فعالیت باشلتدیک" دییه قید ایتگن لیگی نی بیلدیرماقد.

صباح روزنامه سی, تورکیه جمهوریتی جمهوررئیسی نینگ اورینباسری فواد اوکتای نینگ, شمالی قبرس تورک جمهوریتی نینگ رواجله نیب اوز کوچی نی آرتیریشی گه کتته اهمیت بیریاتگن لیک لری نی بیلدیررایکن, قبرس تورک لری نینگ میلادی 1571- ییلدن بیری اصلی عنصری بولگن اوز توپراق لریده, حاکمیت لری نی کوچه یتیریش لری بوییچه حمایت لری نینگ 100 فایز ایکن لیگی نی معلوم قیلگن لیگی نی ایسلتماقده. 

خبرتورک روزنامه سی, تورکیه نینگ بایکار شرکتی تامانیدن ایشلب چیقاریلگن آقینچی تعرضی اوچووچیسیز اوچاق لر نینگ, ملی هواچیلیک سویه سیده ینه بیر مرته اینگ یوقاری ارتفاع گه اوچگن لیگی گه دقت قره تماقده. 

خبرده, آقینچی تعرضی اوچووچیسیز اوچاق لرنینگ اوزی نینگ آلدینگی ریکوردی نی رواجلنتیریب 13 مینگ 716 متر گه کوتریلگن لیگی ایسله تیلماقده. 

ستار روزنامه سی, تورکیه بوت ایشلب چیقاروچی لر فدراسیونی باشلیغی احمد آیدن نینگ, کیفیتی نینگ یوقاری ایکن لیگی باعث تورکیه ده ایشلب چیقاریلیاتگن بوت لرنینگ اوروپا دن طلب نینگ موجود ایکن لیگی نی بیلدیررایکن, "حاضرگی کونده اینیقسه اسپانیا, پرتگال, فرانسه, هالند و بلجیم دن جدی طلب موجود" دییه قید ایتگن لیگی نی معلوم قیلماقده.