تورکیه نینگ مطبوعات خلاصه لری

تورکیه نینگ مطبوعات خلاصه لری

1829068
تورکیه نینگ مطبوعات خلاصه لری

 

حریت گزیته سی: " ایردوغان بیرلشگن عرب امیرلیکلری گه قیغوداشلیک سفری اویوشتیردی سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان بیرلشگن عرب امیرلیکلری دولت باشلیغی شیخ خلیفه بن زاید آلنهیان نینگ وفاتی باعث ابو ظبی گه باردی. ایردوغان قیغوداشلیک سفری دایره سیده بیرلشگن عرب امیرلیکلری دولت باشلیغی و ابو ظبی امیری شیخ محمد بن زاید آلنهیان بیلن اوچره شدی.

 

یینی شفق گزیته سی: بیراقدار ت ب2 اوکراینده اوزگریش کیلتیردی"  سرلوحه سی بیلن خبر بیردی.

خبرگه کوره روسیه تامانیدن قریب 3 آی آلدین باشله تیلگن اوروشده اوکراین اردوسی نینگ مدافعه خطیده تورکیه هیداوچیسیز هوا واسطه سی ایها بیراقدار ت ب2 یوتوقلرگه دوام ایتماقده. انگلیس مطبوعاتی اوروش باشله گندن بیری اوکراین نینگ مدافعه اوروشیده 800 دن آرتیق هجوم اویوشتیرگن بیراقدار ت ب2 لر باعث روس اردوسی نینگ قیین وضعیت گه قالگن لیگینی بیلدیردی.  

 

وطن گزیته سی: "سویدن و فینلنددن تورکیه بیلن تیگیشلی بیانات"  سرلوحه سی بیلن خبر بیردی.

خبرگه کوره فینلند جمهور باشلیغی سائولی نینیستو اولکه سی نینگ ناتو اعضالیگی و تورکیه نینگ عکس العملی بیلن تیگیشلی "معماگه ییچیم تاپیش گه ایشانه میز" دیگن حالده سویدن باش وزیری مگدیلینا اندرسون "تورکیه بیلن گپلشیب هر قنده ی معماگه ییچیم تاپیش گه تیارمیز" دیب گپیردی.  

 

صباح گزیته سی: "تورکیه کتته مال و کیچیک مال سانیده اروپا بیرلیگینی آرتده قالدیردی"  سرلوحه سی بیلن خبر بیردی.

خبرگه کوره اروپا استاتستیک باشقرووی راپوریگه کوره تورکیه، اروپا بیرلیگی اولکه لریگه قیاسلنگنده کیچیک و کتته مال سانیده ییتکچی وضعیتده.   

 

ستار گزیته سی: "روسلر ایلک مرته بیرینچی اورینده"  سرلوحه سی بیلن خبر بیردی.

خبرگه کوره روسلر تامانیدن تورکیه دن آلینگن غیر منقول سانی اپریل آییده اوتگن ییل نینگ خوددی شو باسقیچی گه کوره 186،6 فایز کوپه ییب 1،152 ته گه ییتدی. روسیه تبعه لری غیر منقول آلگن چیت ایللیکلر قطاریده بیرینچی اوریننی ایگلله دی.  



علاقه لی ینگی لیکلر