تورکیه مطبوعاتیدن خلاصه لر 29.04.2022

تورکیه مطبوعاتیدن خلاصه لر 29.04.2022

1820635
تورکیه مطبوعاتیدن خلاصه لر 29.04.2022

ستار روزنامه سی, تورکیه جمهوریتی جمهوررئیسی رجب طیب اردوغان نینگ اجتماعی ترماق آرقه لی ترقتگن پیامیده, سعودی عربستان قرالی سلمان بن عبدالعزیز نینگ دعوتی گه بناً اوشبو اولکه گه سفر قیلگن لیک لری نی بیلدیررایکن, "سعودی عربستان گه سفر قیلدیک.  تاریخی, مدنی و بشری مناسبت لر گه ایگه ایکّی قرداش اولکه اوله راق آره میزده گی هر خیل سیاسی, حربی, اقتصادی مناسبت لرنی کوچه یتیریش و ینگی بیر دور نینگ باشله شی اوچون سعی و حرکت قیلماقده میز" دییه قید ایتگن لیگی نی بیلدیرماقده. 

خبرتورک روزنامه سی, جمهوررئیس اردوغان نینگ, توناون تلفن آرقه لی, روسیه جمهوررئیسی ولادیمیر پوتین بیلن سوزله شگن لیگی نی معلوم قیلماقده. 

خبرده, صحبتده, آلدینگی کون روسیه و امریکا قوشمه ایالتلری اورته سیده تورکیه ده بولگن المه شیش و اوکراین ده گی اوروش بوییچه ینگیلیک لر باره سیده بحث ایتیلگن لیگی بیلدیریلماقده.

روزنامه, پوتین نینگ, تورکیه ده بولگن المه شیش اوچون جمهوررئیس اردوغان گه منتدارچیلیک بیلدیرگن لیگی نی یازماقده.

ینی شفق روزنامه سی, تورکیه جمهوریتی تشقی ایش لر وزیرلیگی سوزچیسی تانژو بیلگیچ نینگ, یونان هوا کوچ لری نینگ 26- و 28- اپریل کون لری ده تورکیه قیرغاق لریده قیلگن تحریک ایتووچی اوچیش لری و اخلال لری گه جواب قیتریلگن لیگی نی بیلدیرگن لیگی گه دقت قره تماقده. 

خبرده, سوزچی نینگ, "جنجال نی باشلتگن و آرتیرگن تامان یونان ایکن, اولکه میز نینگ اساس سیز ادعا لر بیلن عیبله نیشی ایکله اولکه اورته سیده سونگّی پیتلرده تشکیل بولگن مثبت فضا و یخشی قوشنی چیلیک مناسبت لری گه اویغون ایمس" دییه قید ایتگن لیگی ایسله تیلماقده. 

وطن روزنامه سی, توناون تورکیه جمهوریتی تشقی ایش لر وزیرلیگی تامانیدن بیریلگن بیاناتده, تورکیه بیلن ارمنستان اورته سیده گی مناسبت لرنینگ عادی لشتیریلیشی بوییچه اوچینچی مذاکره نینگ 3- می کونی اطریش پایتختی ویانا ده بولیب اوته دیگن لیگی نینگ بیلدیریلگن لیگی نی یازماقده. 



علاقه لی ینگی لیکلر