تورکیه مطبوعاتیدن خلاصه لر ۲۰.۰۴.۲۰۲۲

حریت روزنامه سی, تورکیه جمهوریتی جمهوررئیسی رجب طیب اردوغان نینگ توناون تلفن آرقه لی اسرائیل جمهوررئیسی اسحاق هرتزوک بیلن سوزلشگن لیگی نی بیلدیرماقده. 

خبرده, اوشبو صحبتده, مسجدالاقصی ده عبادت قیلیاتگن کیشی لر گه قره تیلگن هجوم, منطقه مقیاسیده گی مسئله لر و ایکّی تامانلمه مناسبت لر باره سیده بحث ایتیلگن لیگی معلوم قیلینماقده. 

ستار روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, پنجه- قفل عملیاتی بیلن علاقه لی توناون بیرگن بیاناتیده, "چیگره لری میز نینگ تشقریسیده کوره ش آلیب بارمس لیگی میز تقدیرده, کیله جکده اوز توپراق لری میزده بو لر گه قرشی کوره شیش گه مجبور بولیب قاله میز.  کوره شیشی میز کیره ک" دییه قید ایتگن لیگی نی یازماقده. 

صباح روزنامه سی, تورکیه جمهوریتی ملی مدافعه وزیری خلوصی آقر نینگ توناون پنجه- قفل عملیاتی بیلن علاقه لی بیانات بیرگن لیگی نی بیلدیرماقده. 

خبرده, آقرنینگ, "پنجه- قفل عملیاتی بیلن ترورچی لرنینگ مرکز لری نینگ قفل لری سیندیریلماقده.  ترور تشکیلاتی یوق بوله باشله دی و ترورچیلرنینگ باشلیق لری تامانیدن هم اوشبو وضعیت انیق بیلدیریله باشلندی" دییه قید ایتگن لیگی گه دقت قره تیلماقده. 

وطن روزنامه سی, تورکیه جمهوریتی تجارت وزیری محمد موش نینگ, بیرگن بیاناتیده, "اولکه میزنینگ هنگریده 700 میلیون دالرلیک سرمایه گذارلیگی بحث موضوعی.  حاضرگی کونده دوام ایتیاتگن و کیله جک اوچون ریجه لنگن سرمایه گذارلیک لر بیلن بیرگه اوشبو رقم نینگ 3 میلیارد دالر دن هم آشیشی نی کوتماقده میز" دییه قید ایتگن لیگی نی ایسلتماقده.

خبرتورک روزنامه سی, تورک هوا یوللری بیلن برازیلده گی GOL Linhas Aereas  اورته سیده امضالنگن کیلیشوو دایره سیده اورتاق اوچیش لرنینگ عملگه آشیریله دیگن لیگی نی بیلدیرماقده.