تورکیه نینگ مطبوعات خلاصه لری

حریت گزیته‌سی: « بیرلشگن عرب امیرلیکلریدن تورکیه گه مهم مهمان» سرلوحه‌سی بیلن خبر بیردی.

خبرگه کوره جمهور باشلیغی رجب طیب ایردوغان تورکیه گه تشریف بویورگن ابوظبی ولیعهد شهزاده سی شیخ محمد بن زاید آ نهیان بیلن اوچره شدی. اوچره شوونینگ آرتیدن تورکیه بیلن بیرلشگن عرب امیرلیکلری اورته سیده سرمایه کیریتیشلرنی اوز ایچی گه آلگن 9 ساحه ده کیلیشوولرگه قول قوییلدی. 

یینی شفق گزیته‌سی: ف-16 لر اوچون ملی لشتیریلگن پودون قطار تولیدی باشله یدی سرلوحه سی بیلن خبر بیردی.

خبرگه کوره تورک مدافعه صنایعی چوکاتیده ملی لشتیریلگن ف-16 مهمات تعلیم پودی نینگ قطار تولیدی باشله یدی. دوست و متفق اولکه لر بیلن صادرات بیلن تیگیشلی اوچره شوولر دوام ایتماقده.  

خبرتورک گزیته سی: تورکسات 5ب ماهواره سی دسامبرنینگ سونگگیده آتیله دی سرلوحه سی بیلن خبر بیردی.

خبرگه کوره ترانسپورت و آست قوریش وزیری عادل قاره اسماعیل اوغلی، تورکسات 5ب ماهواره سی نینگ دسامبر آیی نینگ سونگگیده امریکا قوشمه ایالتلری نینگ فلوریدا ایالتیده جایلشگن کیپ کاناورال مرکزیدن فالکون 9 مودل راکت آرقه لی آتیلیشینی ریجه لنگن لیگینی بیلدیردی.  

ستار گزیته‌سی: « تیکا افغانستانده گی یتیملرنینگ یوزینی کولدیردی » سرلوحه‌سی بیلن خبر بیردی.

خبرگه کوره‌، تورک همکارلیک و موفقلشتیریش باشقرووی افغانستان نینگ پایتختی کابلده جایلشگن علاوالدین قیز یتیم خانه سی گه آذیق – اوقات و تمیزلیک موادی یاردم ایتیب بیردی.

یتیمخانه نینگ یتاقخانه لردن مسؤل مدیری اورینباسری عزیزه عزیزی، تیکاگه منتدارچیلیک بیلدیردی. 

صباح گزیته سی: تورک سومون بلیغی ریکار اورنه تماقده سرلوحه سی بیلن خبر بیردی.

خبرگه کوره تورک سومون بلیغی فعالیت گروهی باشلیغی عثمان پارلاق پاندیمی بولگن حالده ایلک 10 آ جریانیده 18 اولکه گه توپلم 120 میلیون 946 مینگ 674 دالرلیک صادرات بولگن لیگینی ایتدی. پارلاق صادرات نینگ 80 فایزینی روسیه گه قیلگن لیکلرینی معلوم قیلدی.