تورکیه نینگ مطبوعات خلاصه لری

صباح گزیته سی: ایردوغان آذربایجان مجلسیده تاریخی گپلر ایتدی سرلوحه سی بیلن خبر بیردی.

جمهور باشلیغی رجب طیب ایردوغان، آذربایجان ملی مجلیسیده خطاب قیلیب تاریخی سوزلر ایتدی. "بوگونگی کونده برچه امکانیتلریمیز بیلن آذربایجان نینگ یانیده میز. بوتون دنیا شونی بیلسین کی ایرته گه هم یانیده بولیب توره میز" دیدی. ایردوغان 6 ته لیک پلاتفورم تکلیف قیلگن لیکلرینی معلوم قیلیب "روسیه، تورکیه، آذربایجان، ایران، ارمنستان و گرجستان. ایندی منطقه ده دشمنلیکلر برطرف بولسین" دیب گپیردی.

ستار گزیته سی: لیسر: تورکیه ناتوده انچه مهم اورین گه ایگه بیر متفق سرلوحه سی بیلن خبر بیردی.

آلمان مارشال فندی نینگ باشلیغی اورینباسری و تشقی پولیتیکالر مدیری داکتر لان لیسر " تورکیه نینگ ناتوده انچه مهم اورین گه ایگه بیر متفق ایکنلیگینی کینگ قبول بولگن بیر موضوع. موجود بحرانلرنینگ انچه سی نینگ تورکیه نینگ یاردمی بولمه ی باشقریلیشی قیین" دیدی.

یینی شفق گزیته سی: دستلبکی وطنی هسته ای بطری سرلوحه سی بیلن خبر بیردی.

یولدوز تخنیک بیلیم یورتی تامانیدن اوزاق عمرلی بطری ایشلب چیقریلدی. بو بالتی بطری بیلن فضا واسطه سی، قلب بطریلری، سوو آستی تیزیملری کبی اوزاق مدت ایش بیره دیگن جهازلرگه کوچ بیره دی.

حریت گزیته سی: جیت ایلده 4 مینگ 862 مدنیت میراثی تورکیه گه قیته ریب بیریلدی سرلوحه سی بیلن خبر بیردی.

مدنیت و توریزم وزیرلیگی تامانیدن 2003 ییلیدن بویان چیت ایلده بولگن تورکیه نینگ مدنیت ماللریدن 4 مینگ 862 ته سی تورکیه گه آلیب کیلتیریلدی. بولردن 423 ته سی جاری ییل نینگ 6 آییده انتقال بیریلدی.  

خبر تورک گزیته سی: استانبول قونلغه سی 635 اوچیش بیلن اروپاده بیرینچی اورینده سرلوحه سی بیلن خبر بیردی.

اروپا هوا سیرو سفر امنیت تشکیلاتی (EUROCONTROL) تامانیدن تیارلنگن اوچیش ترافیکی راپوریگه کوره استانبول قونلغه سی سه شنبه کونی بولگن 635 اوچیش بیلن اروپاده گی قونلغه لر ایچیده بیرینچی بولدی.