تورکیه مطبوعاتیدن خلاصه لر 05.05.2021

تورکیه مطبوعاتیدن خلاصه لر 05.05.2021

1634637
تورکیه مطبوعاتیدن خلاصه لر 05.05.2021

وطن روزنامه سی, عراق نینگ شمالیده بولووچی ترور تشکیلاتی پ.ک.ک گه قره ته آلیب باریلیاتگن پنجه- رعد و پنجه – صاعقه عملیات لریده تورک اردوسی نینگ, ترور تشکیلاتی و حمایه چی لری نینگ 'کیریش ممکن ایمس' دیگن و منطقه ده ستراتیژیک اهمیت گه ایگه زندوره تپه سی گه چیققن لیگی نی معلوم قیلماقده. 

خبرده, ترورچی لرنینگ مرکز لری نینگ کنترول آستی گه آلینگن لیگی بیلدیریلماقده. 

روزنامه, ترورچی لرنینگ ایریم پیتلرده اوشبو منطقه دن تورکیه چیگره سیده اورین آلگن حربی مرکز لر گه هجوم اویوشتیریش گه حرکت قیلگن لیک لری نی یازماقده. 

حریت روزنامه سی, تورکیه جمهوریتی ملی مدافعه وزیری خلوصی آقر نینگ, تورکیه نینگ لیبیا بیلن بولگن دینگیز صلاحیت کیلیشووی دایره سیده شرقی اورته ییر دینگیزی ده فعالیت لری نی دوام ایتتیریاتگن لیگی نی معلوم قیلیب, "یونان نینگ بو کیلیشوو نی اعتبارسیزلشتیریش تشبث لری اورینسیز بیرحرکت دن عبارت" دییه قید ایتگن لیگی نی بیلدیرماقده. 

خبرده, آقرنینگ, تورکیه نینگ لیبیاده گی موجودیتی نینگ شرقی اورته ییر دینگیزی ده گی حق, علاقه و منفعت لری نینگ قوریقله نیشی جهتی دن حیاتی اهمیت گه ایگه ایکن لیگی نی بیلدیرگن لیگی ایسله تیلماقده. 

ینی شفق روزنامه سی, شرکت سانی نینگ آرتیشی نینگ تورکیه نینگ صادرات میزانی نینگ کوپه یتیریلیشی بوییچه رول اوینیاتگن لیگی نی بیلدیرماقده. 

خبرده, اپریل آییده 2 مینگ 444 شرکت نینگ بیرینچی مرته صادرات قیلگن لیگی ایسله تیلماقده. 

روزنامه, جاری ییل نینگ ایلک تورت آییده 6 مینگ 788 شرکت نینگ توپلم 345 میلیون دالرلیک صادرات قیلگن لیگی نی یازماقده. 

خبرده, تورکیه نینگ صادراتی نینگ آرتیب کیتیشی بوییچه ایندی صادرات گه باشله گن شرکت لرنینگ رول اوینه گن لیگی گه دقت قره تیلماقده. 

ستار روزنامه سی, آذربایجان اردوسی نینگ, تورکیه ده ایشلب چیقاریلگن بیرقدار اوچووچیسیز قوراللی اوچاق لر بیلن تطبیقات اوتکزگن لیگی نی معلوم قیلماقده. 

خبرده, آذربایجان مدافعه وزیرلیگی تامانیدن ترقه تیلگن تصویرلرده, بیرقدار اوچووچیسیز قوراللی اوچاق لر نینگ هنگر دن چیقاریلیشی, ساحه گه کیتیریلیشی, مسئول لر تامانیدن کنترول ایتیلیشی و یاقیلغی اکمالاتی گه اورین اجره تیلگن لیگی معلوم قیلینماقده. 

روزنامه, تطبیقات دایره سیده اوچگن اوشبو اوچاق لرنینگ, تمثیلی بیر شکلده دشمن هدف لری نی انیقلب یوق قیلگن لیگی نی یازماقده. 

صباح روزنامه سی, تورک هوا یوللری شرکتی نینگ, ینگی تور کرونا ویروس پاندمی سی دوریده دنیا نینگ کتته شرکت لری نینگ ضرر کورگن جاری ییل نینگ ایلک اوچ آییده فایده قیلگن لیگی نی بیلدیرماقده.

خبرده, رهبرلیک کینگشی باشلیغی ایلکر آیجی نینگ, "آسمانده کوچی میز نی آرتیریش گه دوام ایته میز" دییه قید ایتگن لیگی ایسله تیلماقده. 

روزنامه, جاری ییل نینگ ایلک اوچ آییده لوفتانزا نینگ 1 میلیارد یورو و سویس ایر نینگ ایسه 350 میلیون دالر ضرر بیلدیرگن لیگی نی یازماقده. 



علاقه لی ینگی لیکلر