تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته‌سی: جمهور باشلیغی ایردوغان چناق قلعه حقیده بیانات بیردی سرلوحه سی بیلن خبر بیره دی.
جمهور باشلیغی رجب طیب ایردوغان چناق قلعه حدودي سوولری نینگ 106 - ییللیگی مناسبتی بیلن بیرگن بیاناتیده، «چناق قلعه روحینی یشه تیشگه، یورتیمیزنینگ ایرتنگی کونی کوچیگه - کوچ قوشیشگه دوام ایته‌میز» دیدی.
یینی شفق گزیته‌سی: ترور آدرسلری ییر بیلن یکسان قیلیندی سرلوحه سی بیلن خبر بیردی.
عراق نینگ شِمالیده‌گی پی کاکا ترور تشکیلاتی اعضالریگه قرشی پنجه - چقماق و پنجه - یلدیرم عملیاتلری دوام ایتماقده. ملي مدافعه وزیرلیگی تامانیدن موضوع حقیده بیریلگن بیاناتده، «پنجه - شیمشیک و پنجه - یلدیرم عملیاتلری دایره‌سیده تروریستلر ییر بیلن یکسان قیلیندی، حربي - هوا کوچلریمیز ترور آدرسلرینی ویران قیلدی» دییلدی.
ستار گزیته‌سی: تاتار: تورکيه بو ییرده قرار بیریش حقوقیگه ایگه و حقلریمیزنی ییدیریب قویمه‌یمیز سرلوحه سی بیلن خبر بیردی.
شمالي قبرس تورک جمهوریتی جمهور باشلیغی ایرسین تاتار یونان‌ده چاپ ایتیلگن «کَتهیمیرینی» گزیته‌سیگه بیرگن بیاناتده، تورکيه بیلن کوپ قیرّه‌لی مشترک منفعتلری بارلیگینی بیلگیلب اوتگن حالده، «تورکيه بویوک دولتدیر. بو مملکت نینگ کفیلی، آنه وطنیدیر. بو ییر حقیده قرار بیریش حقوقیگه ایگه» دیدی.
حريت گزیته‌سی: آقسونگور نینگ کتّه موفقیتی سرلوحه سی بیلن خبر بیردی.
مدافعه صنایعی وزیری اسماعیل دیمیر، آقسونگور قوراللی اوچووچیسیز هوا واسطه‌سی نینگ بیرینچی مراتبه آتگن 340 کیلوگرا‌م آغیرلیکده‌گی ک گ ک - قوراللی اوچووچیسیز هوا واسطه‌سی - 82 بیلن 30 کیلومتر منزلده‌گی نشاننی موفقیتلی روشده اورگنینی معلوم قیلدی.
صباح گزیته‌سی: ملي کوره‌شچی رضا قایا آلپ شو بیلن اونینچی مراتبه اروپا قهرمانی بولدی سرلوحه سی بیلن خبر بیردی.
اروپا کوره‌ش بیلله شوویده 130 کیلوگرا‌م وزن طایفه‌سیده بوییچه ملي سپورتچی رضا قایا آلپ گرجستان‌لیک رقیبی یعقوبی کجه‌یه‌نی مغلوب قیلیب، آلتین مدالنی قولگه کیریتدی. رضا قایا آلپ شو بیلن اونینچی مراتبه اروپا قهرمانی بولدی.
