تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: «جمهور باشلیغی ایردوغا‌ندن دیپلوماتیک سعی-حرکتلر» سرلوحه‌سی بیلن خبر بیردی.
خبرگه کوره، تورکيه جمهور باشلیغی رجب طیب ایردوغان ایتالیا باش وزیری مریا دراگی بیلن تیلفون آرقه‌لی ملاقات قیلدی. سونگره، جرمني باش وزیری انگیلا مرکل بیلن ویدیوکنفرانسي آرقه‌لی اوچره‌شوو عملگه آشیردی.
ایردوغان ایتالیا باش وزیری بیلن بولگن اوچره‌شووده تورکيه و ایتالیا اورته‌سیده‌گی سودا حجمی، کوچ بحرانی، ویزه‌نی بیکار قیلیش و باشقه منطقوی مسأله‌لرنی محاکمه قیلدی.
مرکل بیلن بولگن اوچره‌شوویده ایسه، تورکيه ایگی ده و شرقي اورته ییر دینگیزیده بحران ایمس، بلکه همکارلیک طرفداری ایکنلیگی قید ایتدی. شو بیلن بیرگه، مذاکره‌لرنی ثمره‌لی اوتکزیش اوچون یونان‌نی بونگه جلب قیلیش ضرورلیگی تأکیدلندی.
صباح گزیته‌سی: «اروپا بیرلیگی تورکيه بیلن سودا علاقه‌لرینی رواجلنتیریشگه تیار» سرلوحه‌سی بیلن خبر بیردی.
خبرگه کوره، روتیرس خبر آژانسی بو هفته اوتکزیله‌دیگن اروپا بیرلیگی رهبرلری جلسه سی یکوني اعلاميه‌سی متنیگه ته‌یه‌نیب بیرگن خبریده ییتکچیلر اروپا کینگشیدن تورکيه بیلن باجخانه اتفاقینی ینگیلش بوییچه مذاکره‌لرگه رخصت بیریلیشینی طلب قیله‌دی. شونینگدیک، سوريه خلقیگه میزبانلیک قیلگنی اوچون تورکيه‌گه ینه هم کوپراق مالیوي یاردم کورسه‌تیش مسأله‌سیگه اعتبار قره‌تیله‌دی. قاله‌ویرسه، تورکيه و اروپا بیرلیگی اورته‌سیده عالي درجه‌لی مذاکره‌لر و دیپلوماتیک اوچره‌شوولر جدللشتیریله‌دی.
یینی شفق گزیته‌سی: «پ ک ک/ی پ ج عراق و سوريه‌گه هم خوف سالماقده» سرلوحه‌سی بیلن خبر بیردی.
خبرگه کوره، بلجم نینگ پایتختی بروکسیلده ناتو تشقی ایشلر وزیرلری ییغیلیشیده معروضه قیلگن تورکيه تشقی ایشلر وزیری مولود چا‌ووش اوغلی، ترور تشکیلاتلری پ ک ک و ی پ ج عراق و سوريه‌گه تهدید سالگنلیگینی معلوم قیلدی. اونینگ تأکیدلشیچه، تورکيه تروریزمگه قرشی کوره‌شینی دوام ایتتیره‌دی. چا‌ووش اوغلی اوز نوبتیده، تورکيه یقینده افغانستانده‌گی تینچلیک جریانی بیلن باغلیق عالي درجه‌لی مذاکره‌گه میزبانلیک قیلیشینی بیلدیردی.
ستار گزیته‌سی: «چیندن تورکيه‌گه رسمي تشریف» سرلوحه‌سی بیلن خبر بیردی.
خبرگه کوره، چین تشقی ایشلر وزیری وه‌نگ یی رسمي تشریف بیلن تورکيه‌گه کیله‌دی. تشقی ایشلر وزیرلیگی نینگ یازمه بیاناتیگه کوره، چین تشقی ایشلر وزیری وه‌نگ یی 24-26 مارچ کونلری تورکيه‌ده بوله‌دی. اوچره‌شوولرده مملکتلر اورته‌سیده‌گی ایکّی تامانلمه همکارلیک مسأله‌لری، منطقوي و خلق‌ارا اهمیت سزاوار مسأله‌لر بوییچه فکر المشیله‌دی.
عالي مرتبه‌لی مهمان نینگ تورکيه جمهور باشلیغی تامانیدن قبول قیلینیشی کوتیلماقده" دییلدی.
خبر تورک گزیته‌سی: «تورکيه بنگلدیشگه همدردلیک بیلدیردی» سرلوحه‌سی بیلن خبر بیردی.
خبرگه کوره، تورکيه بنگلدیشده میانمار مسلمانلری یشب کیله‌یاتگن Cox Bazar ده گی کمپده روی بیرگن یانغینده کوپلب انسان نینگ هلاک بولگنلیگی مناسبتی بیلن بنگلدیش حکومتی و خلقیگه همدردلیک بیلدیردی.
«تورکيه روهینگا مسلمانلریگه هر قنده‌ی انسانی یاردم کورسه‌تیش فعالیتلرینی جدللیک بیلن دوام ایتتیره‌دی»،دییله‌دی بیاناتده.
