تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «طلبهلرنی قبول قیلیشده دنیا نینگ ایلک 10 دولتیدن بیریمیز» سرلوحهسی بیلن خبر بیردی.
خبرگه کوره، تورکيه جمهور باشلیغی رجب طیب ایردوغان تورکيه بیلیم یورتلریگه طلبه قبول قیلیش بوییچه دنیاده ایلک 10 دولت قطاریدن جای آلگنلیگینی معلوم قیلدی. جمهور باشلیغی نینگ تأکیدلشیچه، دنیا نینگ اینگ مشهور بیلیم یورتلریدن ییتوک پروفیسورلر آنلاین شکلده تورکيه بیلیم یورتلریده طلبهلرگه درس بیریشگه شرایط یراتیلهدی.
خبر تورک گزیتهسی: «تورکيهده خارجلیک سرمایه کیریتووچیلر کوچمس ملک نی قولگه توتیب اوچون فرصت کوتماقده» سرلوحهسی بیلن خبر بیردی.
خبرده یازیلیشیچه، تورکيهده کوچمس ملک ساتیب آلگن خارجلیکلر نینگ 92.7 فایزی کوچمس ملکینی قولدن چیقرمهدی. اولر ییلده تخمیناً 3 آیینی تورکيهده اوتکزماقده. کوچمس ملک ساتیب آلگنلرنینگ یرمی ایکّینچی مرته اوی ساتیب آلیشگه حرکت قیلماقده. تورکيهدن اوی ساتیب آلگن خارجلیکلر آرهسیده مهندسلر، تدبیرکارلر، شفاکارلر و متقاعدلر کوپچیلیکنی تشکیل قیلهدی. اولرنینگ اورتهچه یاشی 50 اطرافیده.
ستار گزیتهسی: «Xiaomi تورکيهده ایشلب چیقریشنی باشلهدی» سرلوحهسی بیلن خبر بیردی.
خبرگه کوره،ختای نینگ Xiaomi کمپنیسی تورکيهده 30 میلیون دالرلیک سرمایهسی بیلن 2021 ییل نینگ دستلبکی چارهگیده «عقللی» تیلفون ایشلب چیقریشنی باشلهیدی. مذکور ختای کمپنیسی استانبولده فابریکه قورهدی. اوشبو فابریکه ییلده 5 میلیون دانه «عقللی» تیلفون ایشلب چیقریش حجمیگه ایگه بولهدی.
صباح گزیتهسی: «5 ییلده ییللیک آلتین ایشلب چیقریش حجمی 100 تُنگه چیقهدی» سرلوحهسی بیلن خبر بیردی.
خبرگه کوره، تورکيه انرژی و طبيعي منبعلر وزیری فاتح دونمز تورکيهده ییلده 42 تُن آلتین ایشلب چیقریلگنلیگینی معلوم قیلدی. «مقصدیمیز 5 ییللیک دور مابینیده ییلیگه 100 تُن آلتین ایشلب چیقریش حجمیگه ایگه بولیشدیر. دنیاده ییلده 100 تُن آلتین ایشلب چیقرگن 10 دولت قطاریدن جای آلیشنی کوزلهیهبمیز»،دیدی.
وطن گزیتهسی: «تورکيه نینگ اوزاق مصافهلی «اتمهجه» راکتی سیناودن اوتکزیلدی» سرلوحهسی بیلن خبر بیردی.
خبرگه کوره، راکیتسان کمپنیسی تامانیدن ایشلب چیقریلگن اوزاق مصافهگه ماسلنگن، کیمهلرگه قرشی «اتمهجه» راکتی سیناودن اوتکزیلدی. سیناولرنی دینگیز کوچلری قوماندانی دگروال ادنان اوزبال و باشقه ییتکچیلر یقیندن کوزهتیب باردی. «ملي راکتمیز «اتمهجه» دوستگه ایشانچ، دشمنگه قورقوو سالهدی»، دیدی.