تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: جمهور باشلیغی ایردوغان هیداوچیسیز الکترونیک اتوبوس نینگ بیرینچی یولاوچیسی بولدی.
جمهور باشلیغی رجب طیب ایردوغان تورک مهندسلر تامانیدن ایشلب چیقریلگن هیداوچیسیز الکترونیک اتوبوس نی سینهب کوردی. ایردوغان اجتماعي ترماقدهگی پُستیده «وزیرلر کینگشیمیزگه تورک مهندسلری تامانیدن ایشلب چیقریلگن دنیا نینگ بیرینچی قطار ایشلب چیقریلگن تورتینچی سویهدهگی هیداوچیسیز الکترونیک اتوبوسی اتهک الکتریک بیلن کیتیهپمیز» دیدی.
ستار گزیتهسی: چاووش اوغلی: «تورکيه اوزی راپور تیارلهیدی».
بوگونگچه اروپا اتفاقی، امریکا قوشمه ایالتلری نینگ تورکيه و باشقه دولتلر اوستیدن راپورلر تیارلهگنینی قید ایتگن تشقی ایشلر وزیری مولود چاووش اوغلی، «تورکيه جمهوریتی تشقی ایشلر وزیرلیگی صفتیده هر ییلی قَیسی مملکتده اسلام دشمنلیگی، چیت ایلّیکلرگه بولگن دشمنلیک، عرقچیلیک مضمونیده نیمهلر روی بیرگنینی ایتیب، اولرنی بوتون دنیاگه آشکار قیلهمیز. بوندن بویان تورکيه هم اوز راپورینی دنیا اوچون قلمگه آلیشنی دوام ایتهدی» دیدی.
صباح گزیتهسی: ملي مدافعه وزیری آقردن «تورکيه - روسیه مشترک مرکزی» حقیده بیانات.
ملي مدافعه وزیری خلوصی آقر تاغلی قارهباغده اوق اوزیشنی توختهتیش کیلیشووینی حمایه قیلیش اوچون خدمت قیلهدیگن تورکيه - روسیه مشترک مرکزی نینگ فعالیتگه توشگنینی بیلگیلب اوتگن حالده، «امیدیمیز، تیلهگیمیز باشقه برچه فعالیتلر بیلن بیرگه بو مرکزنینگ هم قوشگن حصهسی بیلن اوق اوزیشنی بوتونلهی توختهتیش، برقرارلیک نینگ تأمینلنیشی، تینچلیک و حضورنینگ منطقهده اورنهشیدیر» دیدی.
خبر تورک گزیتهسی: فاتح دونمیز: نفت قازیب چیقریشده 2020 - ییلی 1.5 میلیون واریلگه آشدی.
انرژی و طبيعي منبعلر وزیری فاتح دونمیز نفت قازیب چیقریشده 2020 - ییلی 2019 - ییلگه نسبتاً 1.5 میلیون واریلگه آرتگن حالده 22 میلیون واریلدن کوپهیگنینی معلوم قیلدی.
وطن گزیتهسی: توریزمده عجایب ینگیلیک! تورکيه تاریخیده بیرینچی مراتبه بو درجه »
انتاليا شهر کینگشیدهگی توریزم فعالیت گروهی رهبری رجب یاووز، توریزم ترماغیده 12 آی نینگ اینگ ثمرهسیز آیی بولگن جنوری آیی نینگ 2020 - ییل نینگ جولای، اگست و سپتامبر آیلریدن اوزیب، 2 میلیون 287 مینگ سیاح بیلن قهرمان بولگنینی قید ایتدی.