تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک گزیته‌سی: جمهور باشلیغی اردوغاندن بیاناتلر. جمهور باشلیغی رجب طیب اردوغان توناون حزبی نینگ نوبتده‌گی شیرناق ولایت 7- کنگره سیده نطق سوزله‌دی. اونده آذربایجان بیلن ارمنستان اورته‌سیده‌گی اوق اوزیشنی توخته‌تیش کیلیشووینی تکرار ارمنستان نینگ بوزگنیگه اعتبار قره‌تگن اردوغان، «اوق اوزیشینی توخته‌تیش اعلان قیلیندی لیکن ارمنیلر اونی ینه بوزدی. بو حقیقتلر نینگ همه‌سی اورته‌ده ایکن غرب جیمجیرت. تورکيه بیران نیمه دیگنیده، ‘جیم اوتیرمه‌یدی دییدیلر، جیم اوتیرمه‌یمیز». دیدی.
حریت گزیته‌سی: تورکيه یونانگه جواب بیردی. تورکيه یونان تشقی ایشلر وزیرلیگی نینگ ایگه و اورته ییر دینگیزیده‌گی قیدیروو و قوتقروودن مسوول ساحه نینگ کینگه‌یتیریلیشی حقیده بیرگن بیاناتینی «اصلسیز» دیب بهاله‌دی. تشقی ایشلر وزیرلیگی سوزچیسی هامی آقسوی، «قیدیروو – قوتقروو ساحه‌لری حاکمیت ایمس، خدمت ساحه‌سیدیر. بو جهتدن اوزی نینگ حدودي سوولری ایچیگه کیرمه‌گن، انسان حیاتی قوتقریله‌دیگن و حمایه قیلینه‌دیگن ساحه‌نی، اوز حاکمیتی نینگ پَیمال قیلینیشی دیب قبول قیلگن یونان نینگ بو ادعاسی حقوقدن عراقدیر.» دیگن افاده‌لرگه ا‌ورین بیردی.
وطن گزیته‌سی: چاووش اوغلی شمالی قبرس تورک جمهوریتی نینگ جمهور باشلیغیی ایتیب سیلنگن ایرسین تاتارنی تبریکله‌دی. تشقی ایشلر وزیری مولود چاووش اوغلی، شمالي قبرس تورک جمهوریتی جمهور باشلیغی ایتیب سه‌یلنگن ایرسین تاتارنی تبریکله‌دی. چاووش اوغلی، تویتر حسابیدن موضوع حقیده قالدیرگن پُستیده، «شمالی قبرس تورک جمهوریتی جمهور رئیسلیک سیلاویده غلبه‌گه ایریشگن ایرسین تاتارنی چین قلبیمدن تبریکله‌یمن. قبرس تورکلری نینگ فراوانلیگی، رواجلنیشی و خوفسیزلیگی اوچون بیرگه‌لیکده ایش آلیب باره‌میز. شمالی قبرس تورک جمهوریتی نینگ شرقي اورته ییر دینگیزیده‌گی قانوني حق و منفعتلرینی بیرگه‌لیکده حمایه قیله‌میز.» دیدی.
صباح گزیته‌سی: محلي سووآستی روبوتی «کاشف» اوز وظیفه‌سینی باشله‌دی. انرژی و طبيعي منبعلر وزیری فا‌تیح دونمز، محلي سووآستی روبوتی کاشیف نینگ «فاتح» بورغولش کیمه‌سیده اوز وظیفه‌سینی باشله‌گنینی معلوم قیلدی. فاتح دونمز، تویتر حسابی آرقه‌لی موضوع حقیده قالدیرگن پُستیده: «محلي سووآستی روبوتیمیز کاشیف، «فاتح»ده اوز وظیفه‌سینی باشله‌دی. دینگیزلرده‌گی ینگی قول و کوزیمیز بولگن کاشیف، 3 مینگ مترگچه دینگیز بورغولش فعالیتلریده ویدیو راپورلرینی اساسي نقطه‌گه ییتکزیب بیره‌دی، میخانیک ایشلرنی یوریته‌دی.» دیدی.
ستار گزیته‌سی: جرمني مطبوعاتی محلي اتوموبیلگه مقتاو یاغدیریب، تورکيه نینگ شخصي «تیسله»سینی یره‌تگنی حقیده یازدی. جرمني نینگ اینگ نفوذلی گزیته‌لریدن هندیلسبله‌تده ا‌ورین آلگن خبرده، تورکيه نینگ ینگی ترانسپورت واسطه‌سی تاگگ نینگ، الکترونیک اتوموبیل ایکوتیزیمینی تشکیل ایتیش آرقه‌لی اوزی نینگ «تیسله»سینی ایشلب چیقرگنی تأکیدلندی و مملکت نینگ ملي محصولاتی رویخطیگه اتوموبیل نینگ هم علاوه ایتیلیشی قید ایتیلدی. اونده، تاگگ تامانیدن ایشلب چیقریله‌دیگن اتوموبیل نینگ بازار نرخی توغری کیلسه اونده جرمني نینگ اتوموبیل بازاریگه هم کیریشی ممکنلیگی قید ایتیلدی.
