تورکیه نینگ مطبوعات خلاصه لری

تورکیه نینگ مطبوعات خلاصه لری

1510554
تورکیه نینگ مطبوعات خلاصه لری

صباح گزیته‌سی: «ایردوغان: قه ‌ییرده ظلم بولسه تورکيه اوشه‌ ییرده مظلوملر بیلن بیرگه‌» سرلوحه‌سی بیلن خبر بیرماقده.

خبرده یازیلیشیچه، تورکيه جمهور باشلیغی رجب طیب ایردوغان تورکيه دایما مظلوملر بیلن بیرگه‌ ایکنلیگینی، ظلم و زوراوانلیککه اصلا کوز یومّسلیگینی معلوم قیلدی. «لیبیا‌ده ظلم دوام ایتماقده. قوشنی دولت سوريه‌ده 910 کیلومترلیک چیگره‌لریمیز آرتیده ناتینچلیک حکم سورماقده. سومالیاده هم شونده‌ی. آذربایجانده ایسه ارمنستان ظلمیگه گواه بولیه‌پمیز. اولر بیز نینگ قرینداشلریمیزدیر. تاریخده اجدادلریمیز تامانیدن ذمّه‌ میزگه یوکلنگن کتّه‌ مسوولیت بار. بیز اوستیمیزده‌گی مسوولیتنی دایما بجریشگه غیرت قیله‌میز»،-دیب ایتگن تورکيه جمهور باشلیغی.

 

ستار گزیته‌سی: «علی یف: تورکيه آذربایجانده حربي مرکز‌ قوریشی ممکن» سرلوحه‌سی بیلن خبر بیردی.

خبرده یازیلیشیچه، آذربایجان جمهور باشلیغی الهام علی یف 40 گه یقین شهر و قیشلاقلر ارمنلر اشغالیدن آزاد قیلینگنلیگینی معلوم قیلدی. اوشبو منطقه‌ده تورکيه‌ نینگ اشتراکیسیز بیرانته هم مسأله‌نی حل قیلیب بولمسلیگینی تیلگه آلگن علی یف، اگرده‌ آذربایجان خطر‌ آستیده بولگن تقدیرده، تورکيه آذربایجانده حربي مرکز‌ قوریشی ممکنلیگینی تأکیدله‌دی.

 

حریت گزیته‌سی: «پیشینیان مغلوبیتینی اعتراف ایتدی» سرلوحه‌سی بیلن خبر بیردی.

خبرگه کوره‌، تاغلیک قاره‌باغده اوت آچیشنی توخته‌تیش تیزیمینی آیاق آستی قیلیب، گنجه‌ده تینچ اهالینی اوققه توتگن ارمنستان قوشینی جبهه چیزیغی بویلب آغیر یوقاتیشلرگه اوچره‌ماقده. ارمنستان باش وزیری نیکول پیشینیان جبهه ده ارمنیستان قوشینی نینگ مغلوبیتگه اوچره‌گنلیگینی رسماً تن آلدی. پیشینیان ارمنستان قوشینی  جبهه آرتیده آغیر یوقاتیشلرگه اوچره‌گنلیگینی، قوشین کوچلری جبهه نینگ شمالي و جَنوبي تامانلریدن چیکینیشگه مجبور بولگنلیگینی اعتراف ایتدی.

 

خبر تورک گزیته‌سی: «یونان‌ نینگ تورکلر سوو آستی کیمه‌میزنی کوره‌ آلمه‌یدی» شکلیده‌گی ادعالری پوجگه چیقدی» سرلوحه‌سی بیلن خبر بیردی.

خبرگه کوره‌، یونان‌ده‌گی بعضی خبر سایتلریده یونان‌گه عاید سوو آستی کیمه‌لری تورکيه دینگیز کوچلری تامانیدن انیقلنه آلمه‌سلیگیگه دایر خبرلر ترقه‌لدی. کوزگه کورینمس خصوصیتگه ایگه‌ ایکنلیگی و شرقي اورته‌ ییر دینگیزیده‌گی برچه‌ فعالیتلرنی پنهانه‌ کوزه‌تیب باره‌یاتگنلیگی ایلگری سوریلگن یونان سوو آستی کیمه‌لری حرکتی تورکيه دینگیز کوچلری تامانیدن بیرمه-بیر کوزه‌تیب باریله‌یاتگنی معلوم بولدی.

 

یینی شفق گزیته‌سی: «تورکيه ینه‌ بیر خوش‌خبرنی کوتماقده» سرلوحه‌سی بیلن خبر بیردی.

خبرده یازیلیشیچه، اورته‌ ییر دینگیزیده 320 میلیارد متر مکعب طبيعي گاز ذخیره‌سینی تاپیشگه موفق بولگن تورکيه‌ نینگ «فاتیح» بورغولش کیمه‌سی، بو سفر قاره‌ دینگیز نینگ قویی طبقه‌لریده ینه‌ بیر ییریک ذخیره تاپدی. تورکيه جمهور باشلیغی رجب طیب ایردوغان شو کونلرده موجود ذخیره‌ده انیقلنگن 80 میلیارد متر مکعب حجمیده‌گی طبيعي گاز ذخیره‌سینی خلققه اعلان قیلیشی کوتیلماقده.



علاقه لی ینگی لیکلر