تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیته سی: «تورکيه‌گه قرشی چیکلاو، قورقیتوو و تهدید یخشیلیککه آلیب کیلمه‌یدی» سرلوحه‌سی بیلن خبر بیردی.
خبرگه کوره، تورکيه جمهور رئیسلیک سوزچیسی ابراهیم قلین شرقي اورته ییر دینگیزیده روی بیره‌یاتگن حادثه‌لر حقیده بیانات بیردی.
"تورکيه‌گه قرشی چیکلاو، قورقیتوو و تهدید هیچ قچان نتیجه بیرمه‌یدی. بونی اروپالیک سیاستچیلر ادراک قیلیشی کیره‌ک. تورکيه‌نی تهدید و چیکلاولر بیلن قورقیتماقچی بولگنلر بیکارگه آواره بوله‌دیلر»،-دیب ایتدی.
وطن گزیته سی: «لیورپول بلدیه باشلیغی راتهیریدن تورکيه‌گه مقتاو» سرلوحه‌سی بیلن خبر بیردی.
خبرده یازیلیشیچه، دَم آلیش اوچون تورکيه‌گه سیاحت قیلگن لیورپول بلدیه باشلیغی اننه راتهیری مملکتده کرونا‌ویروسگه قرشی آلینگن چاره-تدبیرلرنی یوقاری بهاله‌دی.
«کوید-19 پاندیمي سیگه قرشی بونچه‌لیک قتّيق چاره-تدبیرلر آلینگنیدن جوده تأثیرلندیم. چاره-تدبیرلرنینگ نه‌فقط هوتللرده، بلکه دینگیز بوییده، ساحللرده هم آلینگنی مینی تعجبلنتیردی»،-دیب ایتگن.
حریت گزیته سی: «2 میلیون سیاح انتالیا‌نی تنله‌دی» سرلوحه‌سی بیلن خبر بیردی.
خبرده یازیلیشیچه، بوتون دنیاده کرونا‌ویروس دوام ایتر ایکن، تورکيه‌ده توریزم مرکزی انتالیا 1 جنوریدن 13 سپتامبرگچه 2 میلیوندن آرتیق سیاحگه میزبانلیک قیلدی. ایشانچلی و خوفسیز دَم آلیشگه شرایط یره‌تیلگن انتالیا‌گه 170 دولتدن 2 میلیون 3 مینگ 946 سیاح کیلدی. اولر اساسن روسيه، اوکراین، جرمني، انگلستان، پولند کبی دولتلردن کیلگن سیاحلرنی تشکیل قیله‌دی.
صباح گزیته سی: «تورکيه نینگ دستلبکی اوچر مو‌تری جیزیری خلق‌ارا مطبوعاتده یوقاری بهالندی» سرلوحه‌سی بیلن خبر بیردی.
خبرگه کوره، تورکيه‌ده ایشلب چیقریلگن دستلبکی محلي و ملي اوچر مو‌تر خلق‌ارا مطبوعاتده کتّه مقتاوگه سبب بولماقده. انگلستان رویترز خبر آژانسی تورکيه نینگ اوچر مو‌تری نینگ ویدیو تصویرینی ایلک صحیفه‌ده نمایش قیلدی. اوچر مو‌تر باشقه بیر قطار خارجی میدیا ترماقلریده هم کتّه آلقیشگه سزاوار بولدی.
ستار گزیته سی: محلی ویدیو کنفرانس بیرینچی سینشینی موفقیت بیلن اوتکزدی
عسلسان اشتراکی بیتکس تامانیدن ایشلب چیقریلگن محلی ویدو کنفرانس ویبینار بیزبیزگه خلق ارا اشتراک بیلن بولیب اوتدی "خوفسیزلیک و مدافعه مراسمیده موفقیت بیلن سینلدی.
