تورکیه مطبوعاتیدن خلاصه لر 15.09.2020

تورکیه مطبوعاتیدن خلاصه لر 15.09.2020

1491113
تورکیه مطبوعاتیدن خلاصه لر 15.09.2020

وطن روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ اجتماعی ترماق آرقه لی ترقتگن پیامیده, "شرقی اورته ییر دینگیزی ده گی معما لرنینگ تینچلیک سیور یول لر بیلن ییچیلیشی ممکن.  حقیقت گه تینگن, کینگ کولملی و منطقی سیاست لر مثبت حصه قوشه دی.  تورکیه هیچ کیمسه نینگ توپراغی گه کوز تیککن ایمس.  بیراق هیچ کیمسه گه اوز حقی نی ییدیرمس لیک بوییچه هم قرارلی" دییه قید ایتگن لیگی نی معلوم قیلماقده. 

حریت روزنامه سی, تورکیه جمهوریتی تشقی ایش لر وزیری مولود چاووش اوغلی نینگ شرقی اورته ییر دینگیزی و یونان بیلن علاقه لی بیرگن بیاناتیده, "(یونان) نینگ بعضی شرط لرنی دوام ایتتیریشی تقدیرده بیز هم ایریم شرط لرنی بحث موضوعی قیله میز.  یونان نینگ سویلا نقشه سی دن واز کیچمسلیگی و تورکیه نینگ دینگیز ساحه سی گه حرمت کورستمس لیگی تقدیرده, اوشبو بحران نینگ اداققه ییتیشیشی ممکن ایمس" دییه قید ایتگن لیگی نی ایسلتماقده. 

ینی شفق روزنامه سی, آلمان ده باسیلیب چیقه دیگن دای ویلت روزنامه سیده, تورکیه جمهوریتی جمهوررئیسی رجب طیب اردوغان نینگ کُرتی لری حقیده بیر مقاله باسیلیب چیققن لیگی نی معلوم قیلماقده. 

خبرده, اوشبو مقاله ده, جمهوررئیس اردوغان نینگ سیاست ده بولگن لیگی دیک, کییم توغریسیده هم اوزی گه خاص بیر طرز گه ایگه بولگن لیگی نینگ معلوم قیلینگن لیگی بیلدیریلماقده. 

صباح روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, جولای آیی ده صنایع بوییچه تولیدات نینگ آیلیک 8,4 و ییل لیک 4,4 فایز گه آرتگن لیگی نی بیلدیررایکن, "آیلیک مقیاسده برچه ساحه لر بوییچه مثبت ینگی لیک یوز بیردی.  خلق ارا اقتصاد ده تولید بوییچه مثبت ینگی لیک لر دوام ایترایکن, شونده ی قیلیب اوچینچی اورین گه ایگه بولدیک.  جاری ییل نینگ سونگگی اوچ آیی ده کوچی میز نینگ انچه آرتیب کیتیشی نی کوتماقده میز" دییه قید ایتگن لیگی نی ایسلتماقده. 

ستار روزنامه سی, تورکیه نینگ نوشهر ولایتی گل شهر تومنی ده گی 800 ییل لیک معدن دن چیقاریلگن 150 مینگ تن قایا تاش توزی اوچون اولکه نینگ ایچی و چیت ایللردن طلب موجود ایکن لیگی نی معلوم قیلماقده. 

خبرده, اوشبو معدن نی باشقریاتگن سوات بیلگین نینگ, "آلمان, فرانسه و هالند دن بویورتمه کیلماقده. بیراق ظرفیتی میز نینگ ییترلی ایمس لیگی سببلی یورتمه لر نی ییتیشتیره آلمی میز. ساغلیق توریزمی بوییچه فایده له نیش نی اویله ماقده میز" دییه قید ایتگن لیگی ایسله تیلماقده. 



علاقه لی ینگی لیکلر