تورکیه نینگ مطبوعات خلاصه لری

تورکیه نینگ مطبوعات خلاصه لری

1446233
تورکیه نینگ مطبوعات خلاصه لری

 

 

 

یینی شفق روزنامه سی: «دی ایندیپیندینت: فرانسه لیبیا مسأله‌سیده تورکيه‌نی عیبلب همه‌گه مسخره‌ بولماقده.

بوتون دنیا لیبیا‌ده اوزاق ییللردن بویان قوللب – قوّتله‌گن تونترووچی حفتر دوچ کیلگن مغلوبیت آرتیدن تورکيه‌گه گپ آتیب اوز عیبینی بیکیتیشگه اورینگن فرانسه‌ نینگ احوالینی گپیریشنی دوام ایتتیرماقده. دی ایندیپیندینت روزنامه سی هم بو حقیده، «فرانسیز رسميلر، لیبیا سیاستلرینی حمایه‌ قیلیش اوچون تورکيه‌نی عیبلب، مسخره‌ بولماقده» دیگن افاده‌لرگه ا‌ورین بیردی. 

 

ستار روزنامه سی: هنگری تشقی ایشلر وزیری جنوبي قبرس و اروپا بیرلیگی گه قتّيق اعتراض بیلدیردی.

هنگری تشقی ایشلر وزیری پیتیر سیجیراتو، جنوبي قبرس گه بولگن سفری چاغیده اروپا بیرلیگی گه اعضا بیر نیچه‌ دولت نینگ تورکيه حقیده دنیا همجمعیتی آلدیده فرقلی، یاپیق ایشیکلر آرتیده فرقلی گپیرگنینی ایسله‌تیب اوتگن حالده، «تورکيه – اروپا بیرلیگی مناسبتلریده‌گی اینگ بویوک معما تورکيه‌گه نسبتاً ایکّی یوزلمه‌چی مناسبتده بولیشلیکدیر» دیدی.

 

وطن روزنامه سی: برات آلبیراق: تورکيه‌ نینگ اقتصادی گه بولگن ایشانچ آرتماقده.

 خزینه و مالیه‌ وزیری برات آلبیراق، «تورکيه‌ نینگ اقتصادی گه بولگن ایشانچ آرتماقده. اپریل آییده 51.3 فایزنی تشکیل ایتگن اقتصادي ایشانچ ایندیکسی می آییده 61.7 گه، جون آییده ایسه 73.5 فایزگه اوسدی. 2020 – ییلنی شونده‌ی دوام ایتتیریب، کیله‌سی ییلده بونی ینه‌ ده کوتره‌میز» دیدی.

 

صباح روزنامه سی: محلي و ملي برقی ریل تیمیر یولگه توشدی.

صنایع و تکنالوژي‌ وزیری مصطفی وره‌نک محلي و ملي برقی ریل نینگ تیمیر یولگه توشگنینی و فابریکه‌ سیناولری نینگ باشلشینی قید ایتدی. ترانسپورت و زیربنا وزیری عادل قاره اسماعیل اوغلی هم، «بو ییل نینگ آخریده خدمتگه توشه‌دی و قیسقه‌ وقت ایچیده یولاوچی تشیشنی باشله‌یمیز» دییه گپیردی.

 

حریت روزنامه سی: اوچته دولتده لوجیستیک مرکزی قوریله‌دی.

کسل لیک جریانی بیلن بیرگه‌ دنیاده الکترونیک تجارت اصولی نینگ کینگ ترقه‌گنینی افاده‌ ایتگن ترانسپورت و زیربنا وزیری عادل قاره اسماعیل اوغلی، «انگلستان، جرمني و روسيه‌ده الکترونیک تجارت دیپولری قوره‌میز. مقصد، الکترونیک تجارت پلاتفورمیمیزنی منطقه‌ده‌گی اینگ ییریک 5 مرکزدن بیریگه ایلنتیریش» دیدی.

 



علاقه لی ینگی لیکلر