تورکیه نینگ مطبوعات خلاصه لری

تورکیه نینگ مطبوعات خلاصه لری

1421352
تورکیه نینگ مطبوعات خلاصه لری

صباح روزنامه ‌سی: چاووش اوغلی کسبداشی لاوروف بیلن اوچره‌شدی.

تشقی ایشلر وزیری مولود چاووش اوغلی توناون‌ روسیه تشقی ایشلر وزیری سیرگی لاوروف بیلن تیلفون آرقه‌لی مواقا‌ت قیلدی. دیپلوماتیک منبعلردن آلینگن معلوماتگه کوره‌ اوشبو ملاقا‌ت چاغیده ینگی تورده‌گی کرونا‌ویروس (کوید – 19) کسل لیگی، توریزم و منطقوي مسأله‌لر قولگه آلینگن.

 

حریت روزنامه ‌سی: خلوصی آقر، 1411 تروریست نینگ یوق قیلینگنینی معلوم قیلدی.

ملي مدافعه‌ وزیری خلوصی آقر سوريه و عراق نینگ شمالیده‌گی ترورگه قرشی کوره‌ش نینگ اوزلوکسیز دوام ایتگنینی ایسله‌تیب اوتگن حالده، 1 – جنوریدن بیری 1411 تروریست نینگ یوق قیلینگنینی معلوم قیلدی.

 

خبر تورک روزنامه ‌سی: ابراهیم قلین، اسرائیل نینگ قوشیب آلیش ریجه‌سیگه قرشیلیک کورسه‌تدی.

جمهور رئیسلیک سوزچیسی ابراهیم قلین، اسرائیل نینگ قوشیب آلیش و باسیب آلیش ریجه‌سیگه قرشیلیک کورسه‌تدی. قلین بو باره‌ده، «اسرائیل نینگ غربي ساحلنی قوشیب آلیش ریجه‌سینی رد ایتیب، بوتون دنیانی بونگه قرشیلیک کورسه‌تیشگه چقیره‌میز. تورکيه، فلسطین توپراقلری نینگ قوشیب آلینیشی و باسیب آلینیشی سیاستیگه قرشی تشلنه‌دیگن برچه‌ قدملرینی قوللب – قوّتله‌یدی» دیگن افاده‌لرگه ا‌ورین بیردی.

 

ستار روزنامه ‌سی: فخرالدین کوجه‌دن بیاناتلر.

ساغلیقنی سقلش وزیری فخرالدین کوجه ینگی تورده‌گی کرونا‌ویروس  (کوید – 19) کسل لیگی گه قرشی کوریلگن چاره‌ - تدبیرلر نینگ خلق تامانیدن قبول قیلینگنینی قید ایتدی. فخرالدین کوجه، توناون‌ علمي کینگش ییغیلیشی آرتیدن اویوشتیریلگن مطبوعات انجمنیده، کرونا‌ویروسگه قرشی کوره‌ش نینگ یقین کونلرده اینگ ییریک سفربرلیک بولیشینی بیلگیلب اوتدی. کوجه، «حالت سانی مینگ نفردن کمه‌یگنیده، بو کمه‌ییش موفقیت نینگ آخرگی باسقیچی نینگ کورسه‌تکیچیگه ایلنه‌دی» دیدی.

 

وطن روزنامه ‌سی: می آیی مصرف قیلووچیلر نینگ ایشانچی ایندیکسی اعلان قیلیندی. تورکيه ستاتیستیک‌ اداره‌سی، می آیی بوییچه‌ مصرف قیلووچیلر نینگ ایشانچی ایندیکسینی اعلان قیلدی. اونگه کوره‌ ایشانچ ایندیکسی می آییده اپریل آییگه نسبتاً 8.5 فایزگه آرتدی؛ اپریل آییده 54.9 بولگن ایندیکس، می آییده 59.5 نی تشکیل ایتدی.



علاقه لی ینگی لیکلر