تورکیه نینگ مطبوعات خلاصه لری

تورکیه نینگ مطبوعات خلاصه لری

1412205
تورکیه نینگ مطبوعات خلاصه لری

 

 

خبر تورک روزنامه‌سی: «تورکيه تیزلیک بیلن نورمال حیاتگه اوتماقده»

تورکيه دولت باشلیغی رجب طیب ایردوغا‌ن کوید-19 پاندميسی رواجلنگن دولتلر نینگ ساغلیک تیزیمی، اقتصادی و اجتماعي اساسی نینگ کوچلی و چیدملی ایمسلیگینی کورسه‌تگنلیگینی معلوم قیلدی.

تورکيه بو جهتدن بعضی رواجلنگن دولتلردن هم یخشیراق وضعیتده ایکنلیگینی تیلگه آلگن ایردوغان: «پاندمينی برطرف ایتیشده‌گی تجربه‌لریمیزنی ینه‌ هم کتّه‌راق موفقیتلرگه ایلنتیره‌میز»،دیدی.

 

حریت روزنامه‌سی: «جهان مطبوعاتی تورکيه‌نی اورنک بیردی»

بیر قطار اروپا دولتلری کوید-19 پاندمیسی گه قرشی چاره‌ کوریشگه عاجزلیک قیلر ایکن، تورکيه‌ نینگ بوگونگی وضعیتی جهان مطبوعاتیده اورنک قیلیب کورسه‌تیلماقده. فرا‌نسه خبر آژانسی Agence France Presse (AFP) و CNN خبرچیلری تورکيه‌گه کیلیب کسل لیککه قرشی آلینه‌یاتگن چاره-تدبیرلر و چیکلاولر نتیجه‌سی بیلن تنیشدی. اولر اینیقسه‌، تورکيه‌ده‌گی کسللیککه تشخیص قوییش بوییچه‌ فعالیتلرگه حیران قالدیلر.

 

ستار روزنامه‌سی:«تورکيه ایجابي اورنک»

شمالي مقدونیه‌ نینگ سابق ساغلیقنی سقلش وزیری پروفیسور دراگن دنیلاوسکي تورکيه کوید-19گه قرشی کوره‌شنی موفقیتلی آلیب باره‌یاتگنلیگینی و برچه‌گه یخشی اورنک بوله‌یاتگنلیگینی ایتدی. او اهالی سانی کوپ بولگن دولتلر قطاریده بولگن تورکيه کسل لیک ترقه‌له باشله‌گندن بویان کوچلی چاره-تدبیرلر ریجه‌سینی ایشلب چیقیب، ایجابي نتیجه‌گه ایریشگنلیگینی معلوم قیلدی.

 

وطن روزنامه‌سی: «تورکيه گلوبال کمپنیلرنینگ ایشلب چیقریش مرکزیگه ایلنیشی ممکن»

تورکيه صنایع و تکنالوژي‌ وزیری مصطفی وره‌نک 11 ميدن اعتباراً تورکيه‌ده برچه‌ اتوموبیل فابریکه لری تکرار اوز فعالیتینی باشلشینی معلوم قیلدی. چینده ایشلب چیقریش بوییچه‌ یوزه‌گه کیلگن کمچیلیکلر گلوبال کمپنیلرنی باشقه‌ دولتلرگه یونه‌لیشیگه آلیب کیلگنلیگینی ایتگن وزیر وره‌نک، تورکيه جوده‌ آسانلیک بیلن خلق‌ارا کمپنیلر نینگ ایشلب چیقریش مرکزیگه ایلنیشی ممکنلیگینی تأکیدله‌دی.

 

صباح روزنامه‌سی: «صبیحه گوکچین قونلغه سیده کرگو اوچاقلری پروازی باشلندی»

کرونا‌ویروس ترقه‌لیشینی آلدینی آلیشگه قره‌تیلگن چاره-تدبیرلر دایره‌سیده وقتینچه‌لیک اوز فعالیتینی توخته‌تگن استا‌نبولده‌گی صبیحه گوکچین قونلغه سیده تکرار کرگو اوچاقلری پروازی باشلندی.



علاقه لی ینگی لیکلر