تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی: چاووش اوغلی: «تورکيه بیلن روسیه نینگ همکارلیگی دوام ایتماقده».
تشقی ایشلر وزیری مولود چاووش اوغلی، توناون روسیه نینگ «ایزویستيه» روزنامهسیگه بیرگن بیاناتیده تورکيه و روسیه نینگ ادلیب مسألهسیدهگی آخرگی کیلیشوو اوچون همکارلیک ایشلرینی دوام ایتتیرگنینی معلوم قیلگن حالده، «سوريه معماسی نینگ تورکيه - روسیه اورتهسیدهگی همکارلیککه سلبي تأثیر کورسهتیشیگه یول قویمسلیگیمیز کیرهک» دیگن افادهلرگه اورین بیردی.
صباح روزنامهسی: تورکيه نینگ اوچته ییریک بندیده برق ایشلب چیقریش ایشلری 106 فایزگه آرتدی.
اتهتورک، قاره قایا و کبان هایدرو الکتریک ستشنیده 2019-ییلی ایشلب چیقریلگن انرژی مقداریده 2018-ییلگه نسبتاً 106 فایز آرتیش کوزهتیلدی. نامی تیلگه آلینگن ستشنلرده 2018-ییلی 11 میلیارد 49 میلیون کیلووات-ساعت بولگن انرژی ایشلب چیقریش اوتگن ییلی 106 فایزگه اوسیب، 22 میلیارد 790 میلیون کیلووات-ساعتگه چیقدی.
ستار روزنامهسی: ایتالیا تورکيه نینگ محلي اتوموبیلیگه مقتاو یاغدیردی.
ایتالیالیک پروفیسور لوکه مالینری تورکيه اتوموبیلینی زمانوي و یخشی دیزاین قیلینگنینی ایسلهتیب اوتگن حالده، اونینگ اطراف-محیط صفتینی آرتتیریشینی قید ایتدی. مالینبری محلي، ملي و ملي خصوصیتلرگه ایگه مذکور اتوموبیل نینگ اوزگرووچی گلوبال شرایطده ایشلب چیقریلگنیگه اعتبار قرهتگن حالده، «یخشی دیزاین و معماری، خلق و جمعیت نینگ کوزگوسیدیر» دیدی.
یینی شفق روزنامهسی: تورکيه اهالیسی نینگ 52.4 فایزی بختلی، 70 فایزی ایسه امیدلی.
تورکيه ستاتیستیکه ادارهسی توناون 2019-ییلگی«حیاتدن قانیقیش و اونینگ اجتماعي-روحی خصوصیتلری نتیجهلرینی» معلوم قیلدی. اونگه کوره تورکيهده اوزی نینگ بختلی ایکنلیگینی بیان ایتگن 18 و اوندن کتّه یاشدهگی شخصلر نسبتی 2019-ییلی 52.4 فایزنی تشکیل ایتر ایکن عینِ دور مابینیده کیلهجگیدن امیدوارلر نسبتینی 70 فایز دیب قید ایتیلدی.
وطن روزنامهسی: انسان اورگانلری نینگ اوچ اولچاولی نقشهسینی توزدی.
جرمنيده عمر سورگن و بیوتکنالوژی ترماغیده فعالیت آلیب بارگن تورک عالِم دوکتور علی ایرتورک و گروهی، انسان کوزی و بویرهگی نینگ اوچ اولچاولی نقشهسینی چیقریشگه موفق بولدی. ایرتورک فعالیتلری نینگ، سرطان کسللیگیده و حتا مییه نینگ نقشهلنیشیده کتّه ینگیلیکلرگه یول آچیشی ممکنلیگی ایتیلماقده.