تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری   

 

یینی شفق روزنامه سی: «هجوملر دوام ایتسه، سوچی بیتیمیگه قره‌مه‌ی، رژیم کوچلرینی اوققه توتمیز» سرلوحه‌سی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان آق حزبی مجلسیده سوريه‌ نینگ ادلیب ولایتیده‌گی اوزگریشلر حقیده معروضه‌ قیلدی. «ادلیبده تورک کوزه‌توو مرکزلریده‌گی یاکه باشقه‌ حدودلرده‌گی بیرانته عسکریمیزگه ذرّه‌چه‌ زیان ییتگن تقدیرده، بوگوندن اعتباراً ادلیب و سوچی بیتیمیده بیلگیلنگن چیگره‌لرگه عمل قیلمسدن رژیم کوچلرینی هواده و قوروقلیکده ییر بیلن یکسان قیلیشیمیزنی اعلان قیلماقچیمن»،-دیب ایتگن.

صباح روزنامه سی: «انقره‌ده اوته‌ مهم‌ اوچره‌شوو» سرلوحه‌سی بیلن بیرگن خبرده یازیلیشیچه، تورکيه دولت باشلیغی سوزچیسی ابراهیم قلین امریکا قوشمه ایالتلری نینگ سوريه بوییچه‌ مخصوص وکیلی جییمس جففری بیلن اوچره‌شدی.

اوچره‌شووده ادلیبده سوريه رژیمی کوچلری تامانیدن تورک کوزه‌توو مرکزلری نینگ اوققه توتیلیشیگه کوز یومیب بولمسلیگی قید ایتیلدی. ادلیب کیلیشووی دایره‌سیده تورک عسکرلری و تینچ اهالی خوفسیزلیگینی تأمینلشده تورکيه‌ نینگ قطعي ایکنلیگی قید ایتیلدی.

ستار روزنامه سی: «تورکيه‌نی ف-35 دستوریدن چیقریش خرجتینی آشیره‌دی و سودانی توشیره‌دی» سرلوحه‌سی بیلن بیرگن خبرده یازیلیشیچه، امریکا قوشمه ایالتلری دولت باشلیغی دانلد ترامپ تخمیناً 4.8 تریلیون دالرلیک 2021 ییلگی بودجه تکلیفینی کنگره گه تقدیم ایتدی. دولت بودجه سی بوییچه‌ تکلیف نینگ مدافعه‌ خر‌جتلریگه دایر بولیمیده تورکيه حقیده‌گی دقّت قره‌تووچی بیر خصوص ا‌ورین آلگن؛ اوشبو بولیمده «تورکيه‌نی ف-35 دستوریدن چیقریش ف-35 قیرووچی اوچاقلرنی ایشلب چیقریشده کتّه‌ خرجتگه آلیب کیله‌دی و ایشلب چیقریش مقدارینی کمه‌یتیره‌دی» دیگن افاده‌لر ا‌ورین آلگن.

حریت روزنامه سی: «استانبول قونلغه سی خودّی تورکيه‌ نینگ 82-شهریدیک خدمت بیرماقده» سرلوحه‌سی بیلن بیرگن خبرده یازیلیشیچه، استانبول قونلغه سی یولاوچی سانی، استعمالچی رقملری، سودا دوکانلری و بیر شهرده بولیشی ضرور بولگن برچه‌ خدمت جایلری نینگ موجود بولیشی جهتیدن تورکيه‌ نینگ گویا 82-ولایتیدیک خدمت بیرماقده. کونده‌ تخمیناً 200 مینگ یولاوچی و 1200 ته اوچاق قبول قیلگن استانبول قونلغه سی اوز قاشیده‌گی مهمانخانه‌لر، سلامتلیک مرکزلری، داروخانه‌لر و باشقه‌ کوپلب خدمت جایلری بیلن کتّه‌ شهردن فرقی یوقلیگی بیلن دقّت جلب ایته‌دی.



علاقه لی ینگی لیکلر