تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: دولت باشلیغی ایردوغان برلیندن قَیتر چاغیده اوچاقده بیانات بیردی
دولت باشلیغی رجب طیب ایردوغان تورکيه نینگ لیبیادهگی اورنی نینگ تینچلیک نینگ اورنهشیگه بولگن امیدلرنینگ آرتیشیگه یول آچگنلیگینی قید ایتدی. دولت باشلیغی ایردوغان جرمني دهگی دستوری آرتیدن یورت گه قَیتر چاغیده اوچاقده مهم بیاناتلر بیردی. برلینده لیبیادهگی معمالرنی حل قیلیش مسألهلری اوستیدن اوتکزیلگن کنفرانس حقیده، «بیز کوچلی دولت ایکنمیز اونده دنیا نینگ باشقه دولتلری نینگ بیزدن نیمهلردیر کوتیشی طبيعي حالدیر. تورکيه تینچلیک نینگ کلیدی دیر. لیبیا مسألهسی اوستیدن بیز تشلهگن قدملر جریانگه اوزی نینگ ایجابي تأثیرینی کورسهتدی. شوندهی ایکن میدانده هم، مذاکرهده هم سیاسي جریاننی قوللب-قوّتلشنی دوام ایتتیرهمیز» دیگن افادهلرگه اورین بیردی.
یینی شفق روزنامهسی: ابراهیم قلین: «برلین جلسه سی لیبیاده توقنهشوولرنینگ توختشی و معمانی سیاسي یوللر آرقهلی حل قیلیش اوچون مهم امکان حسابلنهدی» دیدی. دولت رئیسلیک سوزچیسی ابراهیم قلین توناون برلین جلسه سی حقیده مهم بیاناتلر بیردی. شونینگدیک دولت باشلیغی ایردوغان نینگ ثمرهلی و کوپ قیرّهلی دیپلوماسیسی نینگ تورکيهنی جریاننی اساسي اکتورلریگه ایلنتیرگنلیگینی افاده ایتدی.
خبر تورک روزنامهسی: برات آلبیراق مهم مسألهلرگه اعتبار قرهتدی. خزینه و مالیه وزیری برات آلبیراق 2019-ییلنی بهالش ییغیلیشیده نطق سوزلهدی. اونده او، 2020-ییل نینگ یخشی ییل بولیشینی قید ایتگن حالده، «2020-ییل بیرته رقملی اینفلاسیون بیلن کیریلگن ییل بولهدی» دیدی.
حریت روزنامهسی: چیت ایللیکلر اوتگن ییلی اینگ کوپ استانبول و انتالیادن اوی-جای خرید قیلیب آلدی. چیت ایلّیکلرگه 2019-ییلی اینگ کوپ استانبول، انتالیا و انقرهدن اوی-جای ساتیلدی. استانبولدهگی ساتیشلر اوتگن ییلی 2018-ییلگه نسبتاً 46.2 فایزگه آرتگن حالده 20 مینگ 857 ته گه يیتر ایکن انتالیاده 8 مینگ 951، انقرهده ایسه 2 مینگ 539 ته اوی-جای ساتیلدی.
ستار روزنامهسی:تیکنافیست 2020 قویاشی «شرقدن یوکسهلهدی».
تیکنافیست بو ییل ملي کورهش نینگ غازي شهری غازی انتیبده اویوشتیریلهدی. ایکّی ییلدن بیری تشریف بویورگن سانی جهتیدن ریکارد اورنهتگن دنیا نینگ اینگ ییریک فضا، هواچیلیک و تکنالوژيلر فستیوالی تیکنافیست 2020-ییل نینگ 22-27 سپتمبری کونلری غازی انتیب قونلغه سیده بولیب اوتهدی.