تورکیه مطبوعاتیدن خلاصه لر 06.12.2019

ینی شفق روزنامه سی, جمهوررئیسلیک ارتباط لر ریاستی تامانیدن بیریلگن بیاناتده, تورکیه جمهوریتی جمهوررئیسی رجب طیب اردوغان نینگ انگلستان ده ژورنالست لر بیلن صحبت قیلگن لیگی نینگ بیلدیریلگن لیگی نی معلوم قیلماقده.

خبرده, اردوغان نینگ, "تورت تامانلمه ییغیلیش نینگ کمیده ییلده بیر مرته بولیب اوتیشی گه قرار قیلدیک.  ایککینچی ییغیلیش فبرور آییده استانبول ده بولیب اوته دی.  اوشبو خصوصده کیلیشیب آلدیک" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, فتح الله چی ترور تشکیلاتی گه باغلیق ایریم کیشی لر و گروه لرنینگ, اوروپا خوفسیزلیک و همکارلیک تشکیلاتی نینگ بعضی ییغیلیش لری گه اشتراک ایتیاتگن لیک لری نی بیلدیررایکن, "اوشبو ترور تشکیلاتی, تورک دموکراسی سی نینگ یوق ایتیلیشی اوچون 2016 – ییلده قیلینگن کودتا تشبثی نینگ عاملی دن عبارت" دییه قید ایتگن لیگی نی معلوم قیلماقده. 

وطن روزنامه سی, جاری ییل نینگ سونگگی اون آییده تورکیه نینگ استانبول شهری گه 12 میلیون 690 مینگ 576 چیت ایللیک توریست کیلگن لیگی نی بیلدیرماقده. 

خبرده, اوشبو رقم نینگ سونگگی بیش ییل نینگ اینگ یوقاری رقمی دن عبارت ایکن لیگی گه دقت قره تیلماقده. 

روزنامه, خوددی شوو دور نینگ اوزیده استانبول گه اینگ کوپ آلمان لیک توریست لر نینگ کیلگن لیگی نی یازماقده. 

خبرده, اوشبو دورده استانبول گه کیلگن آلمان لیک توریست لر سانی نینگ 965 مینگ 115 کیشی دن عبارت بولگن لیگی معلوم قیلینماقده. 

صباح روزنامه سی, تورکیه جمهوریتی جمهوررئیسلیک سرمایه گذارلیک دفتری باشلیغی آردا ایرموت نینگ, دنیا ده پسییب کیتگن لیگی گه قره مسدن, تورکیه ده خارجی سرمایه گذارلیک میزانی نینگ کوتریلیب کیتگن لیگی نی بیلدیرگن لیگی نی ایسلتماقده. 

خبرده, ایرموت نینگ, "دنیا نینگ هیچ بیر اولکه سی خارجی سرمایه گذارلیک جهتی دن تورکیه قدر امکانیت ایگه سی ایمس.  تورکیه سرمایه گذارلیک فرصت لری جهتی دن باشقه اولکه لردن اجره لیب تورگن وضعیتده" دییه قید ایتگن لیگی بیلدیریلماقده.